பிக்பாஸ் வீட்டில் அன்பு ஜெயிக்கும் என்று ஆணித்தரமாக கூறி கிட்டத்தட்ட 75 நாட்கள் வரை தாக்குபிடித்தவர் அர்ச்சனா. அவருடைய பாணி சர்ச்சைக்குரியதாக இருந்தாலும் அவருக்கு ஏராளமான ரசிகர்கள் இந்த நிகழ்ச்சியால் குவிந்தனர் என்பது குறிப்பிடத்தக்கது.

இந்த நிலையில் பிக்பாஸ் நிகழ்ச்சிக்கு பின்னரும் தற்போது விஜய் டிவியில் ஒருசில நிகழ்ச்சிகளை தொகுத்து வழங்கி வரும் அர்ச்சனா, சமீபத்தில் தனது வீட்டில் நடந்த ஒரு விசேஷத்திற்கு பிக்பாஸ் நிகழ்ச்சியில் கலந்து கொண்ட சக போட்டியாளர்களுக்கும் அழைப்பு விடுத்திருந்தார்.

அர்ச்சனாவின் தங்கை வளைகாப்பு நிகழ்ச்சி சமீபத்தில் நடந்த போது அந்த நிகழ்ச்சிக்கு ஆரி, கேப்ரில்லா, சம்யுக்தா, நிஷா, ஆஜித், ரமேஷ், சோம்சேகர் உள்பட பலர் வருகை தந்திருந்தனர். ஆட்டம் பாட்டம் கொண்டாட்டம் என அந்த நிகழ்ச்சி முழுக்க முழுக்க ஜாலியாக நடந்தது என்பதும் ஆரி உள்பட அனைவரும் குத்தாட்டம் ஆடிய வீடியோக்கள் தற்போது இணையதளங்களில் வைரலாகி வருகிறது என்பதும் குறிப்பிடத்தக்கது.

அர்ச்சனா தனது தங்கை வளைகாப்பு நிகழ்ச்சியை மிகச் சிறப்பாக நடத்தி முடித்ததற்காக பெருமை கொள்வதாக கூறியிருந்தார்.