பிக் பாஸ் நிகழ்ச்சியில் ஒவ்வொரு வாரமும் திங்கட்கிழமை நாமினேஷன் படலம் நடைபெறும் என்பதும் இதில் சிக்குபவர்களில் குறைந்த வாக்குகள் பெற்ற ஒருவர் அந்த வாரத்தில் இறுதியில் வெளியேற்றப்படுவார் என்பதும் தெரிந்ததே.

இந்த நிலையில் இன்றைய முதல் புரமோவில் புத்தாண்டு கொண்டாட்டங்கள் மட்டுமே இருந்த நிலையில் இரண்டாவது புரமோவில் நாமினேஷன் குறித்த தகவல் வெளியாகி உள்ளது.

குத்துசண்டை களத்தில் தினேஷ் இருக்கும் நிலையில் அவருடன் யாராவது ஒருவர் மோத வேண்டும் என்றும், அதில் யார் நாக்கவுட் செய்யப்படுவார்களோ அவர் நாமினேஷன் செய்யப்படுவார் என்று பிக் பாஸ் அறிவிக்கிறார். இதனை அடுத்து விஷ்ணு, தினேஷுடன் மோதுபவர் யார் என்று கேட்கிறார்.

அப்போது மணியை மாயா கூற, விஜய் வர்மா விசித்திராவை கூறுகிறார். இதனை அடுத்து குத்துச்சண்டை நடக்கும் என்று எதிர்பார்த்த நிலையில் திடீரென இந்த வாரம் எல்லாம் நாமினேட் செய்யப்படுவதாக பிக் பாஸ் அறிவிக்கிறார். விஷ்ணு இறுதி போட்டிக்கு தகுதி பெற்றுவிட்டதால் அவர் மட்டும் நாமினேஷனில் இல்லை. இந்த பிராங்க் விளையாட்டை பிக் பாஸ் போட்டியாளர்கள் ரசித்து கைதட்டி சிரிப்பதோடு இந்த புரமோ முடிவுக்கு வந்தது.

மொத்தத்தில் இந்த வாரம் அனைத்து போட்டியாளர்களும் நாமினேஷன் செய்யப்பட்டுள்ளனர். தற்போது பிக் பாஸ் வீட்டில் 8 போட்டியாளர்கள் இருக்கும் நிலையில் இந்த வாரம் ஞாயிறு அன்று இரண்டு அல்லது மூன்று போட்டியாளர்கள் எவிக்ட் செய்யப்படுவார்கள் என்று எதிர்பார்க்கப்படுகிறது.