கமல்ஹாசன் நடிப்பில் உருவான ‘விக்ரம்’ படத்தை இயக்கிய இயக்குனர் லோகேஷ் கனகராஜூக்கு ‘நாங்கல்லாம் எதுக்கு இருக்கோம், எங்களையும் பயன்படுத்தி இருக்கலாம்’ என பிக்பாஸ் நிகழ்ச்சியில் கலந்து கொண்ட நடிகை ஒருவர் கேள்வியெழுப்பியுள்ளார்.

லோகேஷ் கனகராஜ் இயக்கிய ‘விக்ரம்’ திரைப்படத்தில் வில்லனாக நடித்திருந்த விஜய் சேதுபதிக்கு ஜோடியாக 3 சீரியல் நடிகைகள் நடித்திருந்தார்கள் என்பது தெரிந்ததே. ஷிவானி நாராயணன், மைனா நந்தினி மற்றும் மகேஸ்வரி ஆகிய மூவருக்கும் இந்த படத்தில் மிக குறைந்த காட்சிகள் என்பதும் குறிப்பிடத்தக்கது.

இந்த நிலையில் இது குறித்து கருத்து தெரிவித்துள்ள பிக்பாஸ் நிகழ்ச்சியில் கலந்து கொண்ட போட்டியாளரும் நடிகையுமான காஜல் பசுபதி, ‘நாங்களும் விஜய் டிவி சீரியல் நடிகை தான், நாங்கள் எல்லாம் எதுக்கு இருக்கோம், எங்களையும் பயன்படுத்தியிருக்கலாம்’ என்று கூறியிருந்தார்.

மேலும் ’கமல்ஹாசன் படத்தில் விஜய் சேதுபதிக்கு ஜோடியாக 3 சீரியல் நடிகைகள், சூப்பர் ஜி சூப்பர்’ என்று பதிவு செய்துள்ளார். இந்த பதிவு தற்போது வைரலாகி வருகிறது.