ஓட்டு போட்டது ரியோவுக்கு, வாழ்த்து தெரிவித்தது ஆரிக்கு: நட்சத்திர ஜோடியின் பதிவு!
- IndiaGlitz, [Thursday,January 14 2021]
பிக்பாஸ் நிகழ்ச்சி தற்போது இறுதி கட்டத்தை நெருங்கி விட்டது என்பதும் இன்னும் இரண்டு நாட்களில் பிக்பாஸ் டைட்டில் வின்னர் யார் என்பது தெரிந்து விடும் என்பதும் குறிப்பிடத்தக்கது
இந்த நிலையில் விஜய் டிவியின் தயாரிப்புகளில் ஒருவரான ரியோவை வெற்றி பெற வைக்க விஜய் டிவியில் உள்ள பிரபலங்கள் பலர் முயற்சித்து வருகின்றனர் என்ற செய்தி வெளியாகி வருகிறது. மேலும் ரியோவுக்கு ஓட்டு போடுங்கள் என விஜய் டிவி பிரபலங்கள் தங்கள் சமூக வலைதளங்கள் மூலம் கிட்டத்தட்ட தேர்தல் பிரச்சாரம் போல் செய்து வருகின்றனர் என்பது குறிப்பிடத்தக்கது
அதுமட்டுமின்றி தாங்களும் ரியோவுக்கு 50 வாக்குகள் போட்டதாக ஸ்க்ரீன் ஷாட் எடுத்து சமூக வலைதளங்களில் பதிவு செய்து வருகின்றனர் என்பது குறிப்பிடத்தக்கது. அந்த வகையில் ரியோவுக்கு ஓட்டு போட்டதாக ‘ராஜா ராணி’ தொலைக்காட்சி தொடர் புகழ் நட்சத்திர ஜோடிகளான சஞ்சீவ் மற்றும் ஆலியா மானசா தங்களது சமூக வலைத்தளங்களில் ஸ்கிரீன்ஷாட் மூலம் பதிவு செய்தனர் என்பதும், அவர்களுடைய பதிவு வைரல் ஆகி வந்தது என்பதும் குறிப்பிடத்தக்கது
இந்த நிலையில் திடீரென சஞ்சீவ் தனது இன்ஸ்டாகிராம் பக்கத்தில் ஆரியின் புகைப்படத்தை பதிவு செய்து ’நீ கலக்கு மாமா’ என்று கூறியுள்ளார். இதிலிருந்து அவர் ஆரிதான் டைட்டில் வின்னர் ஆக வேண்டுமென்று விரும்பியது போல் தெரிகிறது. ரியோவுக்கு ஓட்டு போட்டுவிட்டு ஆரிக்கு வாழ்த்து தெரிவிக்கும் சஞ்சீவ்-ஆல்யா நட்சத்திர ஜோடியை அனைவரும் ஆச்சரியத்துடன் பார்த்து வருகின்றனர்.,