'பிக்பாஸ் சீசன் 4' செல்லப்பிள்ளைக்கு பிறந்த நாள்: வாழ்த்து தெரிவித்த அர்ச்சனா!
- IndiaGlitz, [Friday,March 19 2021]
கமல்ஹாசன் தொகுத்து வழங்கிய பிக்பாஸ் நிகழ்ச்சி சீசன் 4 சமீபத்தில் முடிவடைந்தது என்பதும் இந்த நிகழ்ச்சியில் ஆரி வின்னராகவும், இரண்டாவது இடத்தில் பாலாஜியும் பெற்றனர் என்பது தெரிந்ததே.
இந்த நிலையில் பிக்பாஸ் நிகழ்ச்சி முடிந்த பின்னரும் இந்த நிகழ்ச்சியில் கலந்து கொண்ட போட்டியாளர்கள் அனைவரும் ஒருவருக்கொருவர் தொடர்பில் இருக்கின்றனர் என்பதும் ஒவ்வொரு போட்டியாளர்களின் இன்ப துன்பங்களில் சக போட்டியாளர்கள் கலந்து கொண்டு வருவதையும் பார்த்து வருகிறோம்.
அந்த வகையில் தற்போது பிக் பாஸ் சீசன் 4 செல்லப்பிள்ளை என்று கூறப்படும் ஆஜித், இன்று பிறந்த நாளை கொண்டாடுவதை அடுத்து அவருக்கு அவரது உறவினர்கள் மற்றும் நண்பர்கள் பிறந்தநாள் வாழ்த்துக்களை தெரிவித்து வருகின்றனர். இந்த நிலையில் பிக்பாஸ் போட்டியாளர்களில் ஒருவரான அர்ச்சனா, ஆஜித்துக்கு தனது பிறந்த நாள் வாழ்த்துக்களை தனது சமூக வலைத்தளத்தில் தெரிவித்துள்ளார்.
பிக்பாஸ் வீட்டின் செல்லப் பிள்ளைக்கு எனது இனிய பிறந்தநாள் வாழ்த்துக்கள் என்றும், மக்களே எல்லோரும் உங்களுடைய வாழ்த்துகளை அவருக்குத் தெரிவியுங்கள் என்றும், அவருக்கு இந்த வருடம் சிறப்புமிக்க, வெற்றியான வருடமாகவும் சந்தோசமான வருடமாகவும் இருக்கட்டும் என்று வாழ்த்தியுள்ளார். இதனை அடுத்து பிக்பாஸ் நிகழ்ச்சியில் கலந்து கொண்ட மற்ற போட்டியாளர்களும் அவருக்கு வாழ்த்துக்களை தெரிவித்து வருகின்றனர்.