తెలుగు పాపులర్ రియాలిటీ షో బిగ్‌బాస్‌. తెలుగులో స్టార్ మాలో ప్ర‌సారం అవుతున్న‌ ఈ రియాలిటీ షో ఇప్ప‌టి వ‌ర‌కు మూడు సీజ‌న్స్‌ను పూర్తి చేసుకుంది. ఎప్ప‌టి నుండో నాలుగో సీజ‌న్ స్టార్ట్ అవుతుంద‌ని వార్త‌లు విన‌ప‌డుతున్నాయి. కాగా..సోష‌ల్ మీడియాలో ఇప్పుడు బిగ్‌బాస్ నాలుగో సీజ‌న్‌కు మూడో సీజ‌న్‌కు హోస్ట్‌గా వ్య‌వ‌హ‌రించిన కింగ్ నాగార్జునే వ్యాఖ్యాత‌గా వ్య‌వ‌హ‌రించ‌నున్నారు. ఇప్ప‌టికే దీనికి సంబంధించిన యాడ్ షూటింగ్‌లోనూ నాగ్ పాల్గొనేశారు. బిగ్‌బాస్ 4ను సెప్టెంబ‌ర్ ప్రథమార్థంలో ప్రారంభమవుతుందని సమాచారం.

ఇప్పుడు ఈ బిగ్‌బాస్ సీజ‌న్ 4లో పాల్గొన‌బోయే కంటెస్టెంట్స్ వీరే అంటూ.. వార్త‌లు వినిపిస్తున్నాయి. ఇప్ప‌టికే చాలా మంది పేర్లు వార్త‌ల్లోకి వ‌చ్చాయి. తాజాగా ఈ లిస్టులోకి ఉన్న‌వాళ్లు వీరేనంటూ, కొన్ని పేర్లు వినిపిస్తున్నాయి. సీనియ‌ర్ న‌టి సురేఖావాణి, సుధాక‌ర్ కొమాకుల‌, సింగ‌ర్ మంగ్లీ, టీవీ న‌టి స‌మీరా, యూ ట్యూబ‌ర్ మ‌హ‌బూబ్ షేక్, యూ ట్యూబ‌ర్ హారిక‌, స‌య్య‌ద్ సోహైల్‌, మోనాల్ గ‌జ్జ‌ర్‌, నోయ‌ల్ స‌హా ఓ ప్ర‌ముఖ టీవీ ఛానెల్‌క‌కు సంబంధించిన యాంక‌ర్‌, సీనియ‌ర్ డ్యాన్స్ మాస్ట‌ర్ ఒక‌రు పాల్గొన‌బోతున్నారని కూడా వార్త‌లు వినిపిస్తున్నాయి.