பிக்பாஸ் வீட்டில் நுழைந்த முதல் நாளே தனக்கு கவின் மீது ஒரு ஈர்ப்பு இருப்பதாகவும், விரைவில் தனது காதலை கவினிடம் சொல்லவிருப்பதாகவும் அபிராமி கூறினார். ஆனால் இதை கேள்விப்பட்ட கவின் இந்த பிரச்சனையை முளையிலேயே கிள்ளிவிட வேண்டும் என்று முடிவு செய்து தனக்கு அந்த மாதிரி எண்ணம் எதுவும் இல்லை, இங்குள்ள எல்லோரையும் நான் நண்பர்களாகத்தான் பார்க்கின்றேன். அதுபோல் தான் உன்னையும் என்று தெளிவாக கூறிவிட்டார். இதனால் சற்றே அதிர்ச்சி அடைந்த அபிராமி கவினை வெறுப்பேற்ற வேண்டும் என்பதற்காக வேண்டுமென்றே முகினுடன் நெருக்கமாக இருப்பது போன்று நடித்தார்.

முகின் -அபிராமி குறித்து தேவையில்லாத கமெண்ட் ஒன்றை அடித்த மதுமிதாவுக்கு ஏற்பட்ட சிக்கல் என்ன என்பதை இரண்டு நாட்களாக பார்த்து வந்தோம். இந்த நிலையில் இன்றைய முதல் புரமோவில் அபிராமி தனது சக போட்டியாளர்களிடம் சற்று ஆங்காரமாகவே முகினுடன் தனக்கு இருக்கும் உறவு குறித்து கூறுகிறார்.

முகின் குறித்து யாருக்கும் நான் விளக்கம் கொடுக்க வேண்டிய அவசியம் இல்லை. முகின் எனது நண்பர், இதனால் யாருக்காவது பிரச்சனை இருந்தால் அதை உங்களோட வச்சுக்கோங்க. நான் ஒருவேளை அவனை லவ் பண்ணினால் லவ் பண்றேன்னு அவன் மூஞ்சியை பார்த்து சொல்வேன். எங்களுக்குள்ள பிரச்சனை வந்தா நாங்க பார்த்துக்கிறோம். இந்த பிரச்சனையை சால்வ் பண்ண யாரும் வரவேண்டாம். உங்களுக்கு ஏதாவது பிரச்சனை இருந்தால் கண்ணை மூடிக்கோங்க' என்று ஆத்திரமாக கூறி சென்றுவிட்டார்.

இதில் ஒரு பெரிய வேடிக்கை என்னவெனில் சம்பந்தப்பட்ட முகின் ஒரு வார்த்தை கூட பேசாமல் பரிதாபமாக இதனை வேடிக்கை பார்த்து கொண்டிருந்ததுதான்.

'கவின் இல்லாட்டி முகின்' என்ற அபிராமியின் இந்த பேச்சு வடிவேல் பாணியில் காதலை மாற்றும் காட்சி தான் ஞாபகம் வருவதாக நெட்டிசன்கள் கமெண்ட் அளித்து வருகின்றனர்.
 

#பிக்பாஸ் இல்லத்தில் இன்று.. #Promo1#BiggBossTamil - தினமும் இரவு 9:30 மணிக்கு உங்கள் விஜயில்.. #BiggBossTamil3 #VijayTelevision pic.twitter.com/eJpqPlOE01

— Vijay Television (@vijaytelevision) July 3, 2019