తెలుగు రియాల్టీ షో బిగ్‌బాస్-03 ఇప్పటి వరకూ గొడవలతో అరుపులతో ఎపిసోడ్ ముగిసిపోయేది. అయితే శుక్రవారం మాత్రం ఈ షో చూసిన వాళ్లంతా కంటతడిపెట్టుకున్నారు. ఈ సందర్భంగా 15 మంది కంటెస్టెంట్లు వారివారి జీవితంలో జరిగిన చేదు ఘటనల గురించి చెప్పుకుంటూ కంటతడి పెట్టుకున్నారు. ఇక హౌస్‌మేట్స్‌ అందరూ ఎమోషనల్‌ అవడం.. హౌస్‌లో ఏ ఒక్క జరగడపోవడంతో శుక్రవారం ఎపిసోడ్ మాత్రం ప్రశాంతంగా.. పీస్‌ఫుల్‌గా ముగిసిందని చెప్పుకోవచ్చు. అయితే ఈ సందర్భంగా ‘ఉయ్యాల జంపాల’ హీరోయిన్ పునర్నవీని తెలంగాణ పాపులర్ సింగర్ రాహుల్ సిప్లిగంజ్‌ల మధ్య ఆసక్తికర చర్చ జరిగింది. దీన్ని చర్చ అనడం కంటే కాకా పట్టడం అంటే సరిగ్గా సరిపోతుందేమో.

రాహుల్ : పునర్నవీ.. బయటకు వెళ్లాక (హౌస్ నుంచి) డేట్‌కి వస్తావా?
పునర్నవీ : డేట్ అంటున్నావ్.. అసలు నా రిలేషన్ షిప్ స్టేటస్ అడిగావా?
రాహుల్ : కొంపతీసి ఎవరితోనైనా రిలేషన్ షిప్‌లో ఉన్నావా?
పునర్నవీ : అవును.. (లవ్ స్టోరీ బయటపెట్టింది పునర్నవి)
రాహుల్: ఇంతకీ ఆ అందగాడు ఎవరు..?
పునర్నవీ : అదంతా సీక్రెట్.. నేను చెప్పను
రాహుల్ : ఇక మరేంటి నా పరిస్థితి..?
పునర్నవీ : ‘వింటున్నా.. అని నాటకాలు ఆడకు’ అంటూ స్వీట్ వార్నింగ్ ఇచ్చింది.

కాగా.. ఈ ఇద్దరి మధ్య డేటింగ్ డిస్కషన్ చాలా ఫన్నీగా సాగింది. అయితే ఈ ఇద్దరి మధ్య ఇలా చర్చ జరుగుతుండగా.. పక్కనే ఉన్న కెప్టెన్ వరుణ్ సందేశ్ అలాగే చూస్తూ నవ్వుకున్నాడు. ఒక్క మాటలో చెప్పాలంటే శుక్రవారం జరిగిన ఎపిసోడ్‌లో కంటెస్టెంట్ల ఎమోషనల్‌ స్పీచ్ తర్వాత రాహుల్-పునరన్నవీల మధ్య జరిగిన డిస్కషన్ బాగా ఆకట్టుకుంది.