கடந்த ஆண்டு பிளஸ் 2 தேர்வில் 1176 மதிப்பெண்கள் பெற்றும் நீட் தேர்வு காரணமாக மெடிக்கல் படிக்கும் வாய்ப்பை இழந்த அரியலூர் அனிதா தற்கொலை செய்து கொண்டது தமிழகத்தையே உலுக்கிவிட்டது. தங்கள் வீட்டு பெண் இறந்ததை போல தமிழகமே கண்ணீரில் மூழ்கியது.

இந்த நிலையில் நீட் டாக்டர் அனிதாவுக்கு இன்று பிறந்த நாள். அவர் இல்லாத முதல் பிறந்த நாளை அவரது குடும்பத்தினர் கண்ணீருடன் கொண்டாடி வரும் நிலையில் இன்று அனிதாவின் வாழ்க்கை வரலாற்று திரைப்படம் குறித்த அறிவிப்பு வெளியாகியுள்ளது.

Dr. S.அனிதா M.B.B.S  என்ற டைட்டிலில் உருவாகும் இந்த படத்தில் அனிதா கேரக்டரில் நடிக்கவுள்ளவர் ஜல்லிக்கட்டு மற்றும் பிக்பாஸ் புகழ் ஜூலி என்பது குறிப்பிடத்தக்கது. ஜல்லிக்கட்டு போராட்டத்தின் போது மக்கள் மத்தியில் பிரபலமான ஜூலி, பிக்பாஸ் நிகழ்ச்சியில் அவரது வாயால் தனது புகழை கெடுத்து கொண்டார். இந்த நிலையில் அனிதாவின் கேரக்டருக்கு ஜூலியை மக்கள் ஏற்றுக்கொள்வார்களா? என்பதை பொறுத்திருந்துதான் பார்க்க வேண்டும்