தற்கொலைக்கு முயன்றாரா ஓவியா!
- IndiaGlitz, [Saturday,August 05 2017]
பிக்பாஸ் வீட்டில் இருக்கும் பங்கேற்பாளர்களின் டார்ச்சர் காரணமாக பரணி வெளியேறியதில் இருந்தே இந்த நிகழ்ச்சி மீது இருந்த மரியாதை சுத்தமாக போய்விட்டது. அதன் பின்னர் ஓவியாவை பங்கேற்பாளர்கள் அனைவரும் ஒன்று சேர்ந்து கார்னர் செய்தது பார்வையாளர்களை ஆத்திரமடைய செய்தது.
ஆனால் பரணி போல் பயந்து ஓடாமல், தன்னை டார்ச்சர் செய்தவர்களுக்கு பதிலடி கொடுத்து வந்ததால் ஓவியா மீதான மதிப்பும் மரியாதையும் பார்வையாளர்கள் மத்தியில் இமயம் வரை உயர்ந்தது.
ஆனால் ஆரவ் காதல் விஷயத்தில் ஓவியா கொஞ்சம் தடுமாறினார். நூறு சதவீதம் உண்மையாக இருக்கும் ஓவியாவுக்கு ஆரவ் ஒருவர் மட்டுமே ஆறுதலாக இருந்த நிலையில் அவரும் தன்னை வெறுக்கின்றார் என்றதும் மன உளைச்சலுக்கு ஆளானார். அதன் பாதிப்பால் அவருடைய செயல்களில் கொஞ்சம் வித்தியாசம் காணப்பட்டது.
அனைத்து பங்கேற்பாளர்களும் தன் முகத்தின் முன் ஆறுதலாக பேசி, தான் இல்லாத போது புறம் பேசுவதை அறிந்த ஓவியா, கடந்த இரண்டு நாட்களுக்கு முன்பு இருந்தே பிக்பாஸ் வீட்டை விட்டு வெளியேறும் முடிவுக்கு வந்துவிட்டார். ஆனால் பிக்பாஸ் தரப்பில் இருந்து சரியான பதில் இல்லாததால் நேற்று நீச்சல் குளத்தில் திடீரென விழுந்தார். அவர் தற்கொலை செய்ய முயன்றதாக அனைவரும் அச்சமடைந்து அவரை காப்பாற்றி அவருக்கு ஆறுதல் அளித்தனர்.
ஓவியாவின் மேனேஜர் வந்து பிக்பாஸ் வீட்டில் இருந்து ஓவியாவை அழைத்து சென்றதாக கூறப்படுகிறது. இன்றைய நிகழ்ச்சியில் இதுகுறித்து தகவல் தெரியும் என்று எதிர்பார்க்கப்படுகிறது. எது எப்படியோ ஓவியாவின் வெளியேற்றம் பிக்பாஸ் நிகழ்ச்சிக்கு ஒரு பின்னடைவாகவே இருக்கும் என்று கருதப்படுகிறது.