దీపావళి సెలబ్రేషన్స్ ముగిసిన తర్వాత జరిగిన సోమవారం నామినేషన్స్ ప్రక్రియ షురూ అయ్యింది. రతిక.. శోభాశెట్టి, ప్రియాంక, అర్జున్.. పల్లవి ప్రశాంత్, శోభాశెట్టి, ప్రియాంక.. రతిక, అశ్విని, గౌతమ్.. అర్జున్, అమర్‌దీప్‌లను నామినేట్ చేశారు. అయితే సోమవారం పూర్తిగా ఈ ప్రక్రియ జరగకపోవడంతో మంగళవారానికి షిఫ్ట్ అయ్యింది. అంతేకాదు.. నిన్నటి రచ్చ ఇవాళ మరింత పెరిగి పెద్దదయ్యింది. మంగళవారం నాటి ఎపిసోడ్‌లో ప్రశాంత్.. అర్జున్, రతిక, అశ్విని.. ప్రియాంక, అమర్‌దీప్, ప్రిన్స్ యావర్.. శోభాశెట్టి, అమర్‌దీప్, శోభాశెట్టి.. ప్రిన్స్ యావర్, అశ్విని, అమర్‌దీప్.. గౌతమ్, ప్రిన్స్ యావర్, శివాజీ.. గౌతమ్, ప్రియాంకలను నామినేట్ చేశారు. మొత్తంగా ఈ వారం అమర్‌దీప్, శోభాశెట్టి, ప్రియాంక, అర్జున్, రతిక, అశ్విని శ్రీ, ప్రిన్స్ యావర్, గౌతమ్‌లు నామినేషన్స్‌లో నిలిచారు.

ఇవాళ్టీ ఎపిసోడ్‌లో ప్రశాంత్ - అర్జున్, శోభాశెట్టి - పల్లవి ప్రశాంత్, అశ్విని - ప్రియాంక మధ్య వాగ్వాదం జరిగింది. లేని టాపిక్ మధ్యలో ఎందుకు దూరుతున్నావంటూ ప్రియాంకపై అశ్విని అరవడం మొదలుపెట్టింది. బిగ్‌బాస్ హౌస్‌లోకి రావడమే తనకు సంతోషమని.. కప్ గెలిస్తే ఇంకా హ్యాపీ అని కానీ కప్ కోసమే వచ్చాననే మాటలు తాను చెప్పబోనని అశ్విని వ్యాఖ్యానించింది. తన బాడీలో పార్ట్స్ అన్ని సరిగ్గానే వున్నాయని..అందుకే ఏ ఎమోషన్ వస్తే, ఆ ఎమోషన్‌ను చూపిస్తానని అశ్విని ఘాటుగా బదులిచ్చింది.

తర్వాత ప్రిన్స్ యావర్, అమర్‌దీప్‌లు ఒకరినొకరు నామినేట్ చేసుకున్నారు. ఈ సందర్భంగా మాటా మాటా పెరిగి ఒకరిపై ఒకరు దూసుకెళ్లారు. తొలుత శోభాశెట్టిని నామినేట్ చేసిన యావర్.. అమర్‌దీప్‌ను సెకండ్ నామినేషన్స్‌లో వేశాడు. బొమ్మల టాస్క్‌లో అమర్‌దీప్ ఆట నచ్చలేదని రీజన్ చెప్పాడు. దీనికి అమర్ .. హౌస్‌మేట్స్‌ను న్యాయం చెప్పాలని కోరాడు. యావర్ ఏమాత్రం తగ్గకుండా పాత విషయాలను తవ్వడం మొదలుపెట్టడంతో అమర్‌దీప్‌కు కోపం వచ్చింది. నీకో పాయింట్ లేదు.. నీకెప్పుడూ నామినేషన్స్‌కి నేనే కావాలి అంటూ వాగ్వాదానికి దిగాడు. అమర్‌ మీదకు యావర్ దూసుకెళ్లడంతో శివాజీ కలగజేసుకుని వారిని ఆపాడు.

ఇకపోతే.. ప్రతీ సీజన్ మాదిరిగానే ఈ సీజన్‌లోనూ టాప్ 10 కంటెస్టెంట్స్ ఎవరో తమలో తామే నిర్ణయించుకోమని బిగ్‌బాస్ చెప్పాడు. అయితే టాప్ ప్లేస్‌లో నిలబడేందుకు కంటెస్టెంట్స్ మధ్య పెద్ద యుద్ధం జరిగింది. చివరికి శివాజీని టాప్ 1లో నిలబెట్టి.. యావర్ సెకండ్ ప్లేస్‌లో, పల్లవి ప్రశాంత్‌ మూడు, ప్రియాంక నాలుగు, శోభాశెట్టిలో ఐదులో నిలబడ్డారు. అమర్‌దీప్ 6, గౌతమ్ 7, అర్జున్ 8, అశ్విని 9, రతిక 10లో నిలబడ్డారు. బిగ్‌బాస్ గత సీజన్‌లలో టాప్ 5లో నిలబడిన వారికి ఎవిక్షన్ ఫ్రీ పాస్ గెలుచుకునే అవకాశం వుంటుంది. ఇందుకోసం కంటెస్టెంట్స్ అంతా రెడీ అవుతుండగా బిగ్‌బాస్ షాకిచ్చాడు. 6 నుంచి 10 స్థానాల్లో నిలబడిన వారు ఎవిక్షన్ ఫ్రీ పాస్ కోసం పోటీ పడేందుకు సిద్ధమవ్వాలని సూచించాడు. అనంతరం వీరికి పజిల్ గేమ్ టాస్క్ ఇచ్చాడు బిగ్‌బాస్. ఇందులో అర్జున్ గెలిచినట్లుగా తెలుస్తోంది.