తెలుగు రియాల్టీ షో బిగ్‌బాస్ సీజన్- 3 రెండోవారం ప్రారంభమైంది. మొదటి వారం విజయవంతంగా పూర్తి చేసుకుని రెండో వారంలోకి బిగ్‌బాస్ అడుగుపెట్టాడు. మొదటి వారంలో ఈ షోకు హోస్ట్‌గా వ్యవహరిస్తున్న అక్కినేని నాగార్జునకు మంచి మార్కులే పడ్డాయని చెప్పుకోవచ్చు. అయితే రెండోవారంలో మొదటి రోజు మంచి మజా మొదలైంది. మరీ ముఖ్యంగా తొలివారంలో సీనియర్ నటి హేమ ఎగ్జిట్ అవ్వడంతో.. వైల్డ్ కార్డ్ ద్వారా ట్రాన్స్‌జెండర్ ఎంట్రీ ఇచ్చారు. అయితే ఈ వారం ఎవరు ఎలిమినేట్ అవుతారో..? అన్నదానిపై బిగ్‌బాస్ ప్రియులు, వీక్షకుల్లో ఆసక్తి నెలకొంది.

షాకైన కంటెస్టెంట్స్...

తమన్నా బిగ్‌బాస్ హౌస్‌లోకి రావడం చూసి కంటెస్టెంట్లంతా ఆశ్చర్యపోయారు. ఆమె రాకతో ఒకింత సందడి నెలకొనప్పటికీ ఇదేంటబ్బా అని షాకయ్యారు. వచ్చీ రాగానే తమన్నా గేమ్ షురూ చేసింది. బాబా భాస్కర్, జాఫర్ టీంతో ఉంటానని చెప్పి జాయిన్ అయ్యింది. ఈ సందర్భంగా మహేష్ విట్టాతో వరుణ్, వితికాలు గొడవపై పంచాయితీనే పెట్టింది. అసలు వరుణ్-వితికల వ్యవహరించిన తీరు నచ్చలేదని చెప్పుకొచ్చింది. అంతేకాదు అసలు మహేష్ వాళ్లకు సారీ చెప్పాల్సిన అవసరమేంటి..? నేను హౌస్‌లో ఆడుకుందామని వచ్చాను కాకపోతే వరుణ్ ప్రవర్తన పూర్తిగా తన నచ్చలేదన్నారు. అయితే ఇందుకు వరుణ్ స్పందిస్తూ మహేష్‌కు గొడవ పెట్టాలని తమన్నా చూస్తోందని రాహుల్‌తో చెప్పుకొచ్చాడు. ఇదిలా ఉంటే.. ఎవరి తీరు అయితే తనకు నచ్చలేదని తమన్నా అన్నదే అవే పేర్లు వరుణ్ సందేష్, వితికలను తమన్నా నామినేట్ చేసింది. దీంతో వచ్చీరాగానే మమ్మల్ని పట్టుకున్నారేంటి..? అని రియల్ కపుల్స్ కంగుతిన్నారు.

ఇక నామినేట్ విషయానికొస్తే...

01. హిమజ : పునర్నవి, రాహుల్
02. వరుణ్ : జాఫర్, శ్రీముఖి
03. అషూ : శ్రీముఖి, రాహుల్
04. రాహుల్ : హిమజ, శ్రీముఖి
05. శివజ్యోతి : శ్రీముఖి,జాఫర్
06. అలీ రజా : హిమజ, వరుణ్ సందేశ్
07. రవిక్రిష్ణ : హిమజ,జాఫర్
08. జాఫర్ : రితిక, మహేష్
09. రోహిణి : రితిక, మహేష్
10. మహేష్ : రితిక, వరుణ్ సందేశ్
11. శ్రీముఖి : హిమజ, మహేష్ విట్టా
12. పునర్నవి : హిమజ, శ్రీముఖి
13. తమన్నా : వరుణ్ సందేష్, వితిక
14. బాబా భాస్కర్ : వితిక, రాహుల్‌

నేనెవర్నీ నామినేట్ చేయను..!

బిగ్ బాస్ ఇద్దర్ని నామినేట్ చేయమని బాబా భాస్కర్‌ను ఆదేశించగా.. ఆయన మాత్రం అస్సలు ఒప్పుకోలేదు. తాను హౌస్‌కి వచ్చి వారమే అయ్యిందని ఏదో ఒక కారణంతో ఇద్దర్ని నామినేట్ చేయమంటే నేను చేయలేను. కావాలంటే నన్నే నామినేట్ చేసుకోండి అని తెగేసి చెప్పడంతో కంటెస్టంట్లంతా భాస్కర్ మాటలకు ఫిదా అయ్యారు. ఇదిలా ఉంటే ఫైనల్‌గా బాబా భాస్కర్ రెండో కన్ఫిషన్ రూంకి వెళ్లి వితిక, రాహుల్ పేర్లను చెప్పాడు.

మొత్తానికి చూస్తే.. ఈ వారం బాగా ఇంట్రెస్టింగ్‌గా అన్ని ఎపిసోడ్‌లు జరగనున్నట్లు తాజా పరిస్థితులను బట్టి తెలుస్తోంది. మరోవైపు తమన్నా టార్గెట్‌తో రియల్ కపుల్స్ ఏమవుతారో..? నామినేషన్‌లో ఎక్కువగా హిమజా పేరే వినిపిస్తోంది.. ఫైనల్‌గా ఏమవుతుందో..? ఈ వారం ఇంటి సభ్యులు ఎవరు ఎలా ఆడతారు? వారికి ఎలాంటి పరిస్థితులు ఎదురవుతాయి? ఈ ఎనిమిది మంది సభ్యుల్లోంచి ఎవరు నిష్క్రమిస్తారో తెలియాలంటే బిగ్‌బాస్‌ చూస్తూ ఉండాల్సిందే.