முதல்முறையாக பிக்பாஸ் வீட்டில் கண்கலங்கிய கமல்ஹாசன்: நெகிழ்ச்சியான வீடியோ!
- IndiaGlitz, [Sunday,December 11 2022]
பிக்பாஸ் நிகழ்ச்சியின் கடந்த ஆறு சீசன்களில் முதல் முறையாக கமல்ஹாசன் நெகிழ்ச்சியுடன் கண்கலங்கிய வீடியோ சற்றுமுன் வெளியாகியுள்ள நிலையில் அந்த வீடியோ வைரலாகி வருகிறது.
பிக்பாஸ் நிகழ்ச்சியை கடந்த ஆறு சீசன்களாக கமல்ஹாசன் தொகுத்து வழங்கி வருகிறார் என்பதும் அவரது சிறப்பான தொகுப்பினால் தான் இந்த நிகழ்ச்சி மிகப்பெரிய வெற்றியை அடைந்துள்ளது என்பது தெரிந்ததே.
இந்த நிலையில் இன்று பிக் பாஸ் போட்டியாளர்களிடம் அம்மா அப்பா குறித்து கருத்து கூறுமாறு கமல்ஹாசன் கேட்கிறார். அப்போது மைனா கூறியபோது, ‘என்னோட அம்மா அப்பா ரெண்டு பேருமே, எனக்கு அம்மா அப்பா கிடையாது என்னுடைய குழந்தைகள் தான். அந்த குழந்தைகளை நான் மிஸ் செய்கிறேன் என்று கூறினார்.
வெளியில் எவ்வளவு ஸ்ட்ராங்காக இருந்தாலும் உள்ளுக்குள் அந்த ஃபீல் எப்போதுமே இருக்கு என்று அசின் கூறுகிறார். நீங்கள் எனக்கு போட்ட பிச்சையால் தான் நான் இங்கே இருக்கிறேன் என்று கதிரவன் கூறினார்.
அப்போது கமல்ஹாசன், ‘அம்மா அப்பா குறித்து பேசினீர்கள். இந்த வாய்ப்பு எல்லோருக்கும் கிடைக்காது. இதை தெளிவாக சொல்லாமலேயே நாம் அவர்களை இழந்து விடுவோம். அப்படி ஒரு குழந்தை தான் நான். எனக்கு கிடைக்காத வாய்ப்பு உங்களுக்கு கிடைத்து உள்ளதை நினைத்து எனக்கு ரொம்ப பொறாமையாக இருக்கிறது என்று கமல்ஹாசன் கண்கலங்கி கூறியது பார்வையாளர்களை நெகிழ்ச்சிப்படுத்தியுள்ளது.
#Day63 #Promo2 of #BiggBossTamil #BiggBossTamil6 - இன்று இரவு 9:30 மணிக்கு நம்ம விஜய் டிவில.. #BBTamilSeason6 #BiggBoss #பிக்பாஸ் #VijayTelevision @preethiIndia @NipponIndia pic.twitter.com/C5cKfD7jj4
— Vijay Television (@vijaytelevision) December 11, 2022