பிக்பாஸ் நிகழ்ச்சியின் பல புரமோக்கள் திசை திருப்பும் வகையில் இருக்கும் என்பது பலமுறை நிரூபிக்கப்பட்டுள்ளது. இதுவரை புரமோ வீடியோவில் பில்டப் மட்டுமே அதிகமாக வெளிவந்துள்ள நிலையில் இன்றைய புரமோவில் சுஜா வெளியேறுவது போன்று உள்ளது.

கமல் எல்லோரையும் ஃபிரீஸ் என்று சொல்லி சுஜாவை மட்டும் ரிலீஸ் செய்கிறார். அப்போது சுஜா வழக்கம்போல் ஓவர் ஆக்டிங் செய்து அனைவரிடமும் விடை பெற்று செல்வது போல் இன்றைய புரமோ உள்ளது.

இருப்பினும் இந்த வாரம் எவிக்சன் இருக்காது என்றே எதிர்பார்க்கப்படுகிறது. கடந்த வாரம் போட்டியாளர்கள் அனைவரும் தங்களது குடும்ப உறுப்பினர்களை பார்த்து நெகிழ்ச்சியுடன் இருக்கும் நிலையில் இந்த வாரமும் அந்த அன்பை பரிமாறி கொள்ள வாய்ப்பு உள்ளது. ஹரீஷூம் இதை ஒரு வேண்டுகோளாக நேற்று வைத்தார். நேற்றைய நிகழ்ச்சியின் இறுதியில் நாளை எவிக்சன் உண்டா? இல்லையா? என்று ஹரீஷ் கேட்டபோது 'பொறுத்திருந்து பாருங்கள்' என்று கமல் கூறியதில் இருந்தே இன்று எவிக்சன் இருக்காது என்று எதிர்பார்க்கப்படுகிறது