బిగ్‌బాస్ కంటెస్టెంట్ సోహైల్ ఇచ్చిన మాట‌ను నిల‌బెట్టుకున్నారు. బిగ్‌బాస్ 4లో ఐదుగురు ఫైన‌లిస్టుల్లో ఒక‌రిగా నిలిచిన సోహైల్‌.. త‌న‌కు డ‌బ్బులు వ‌స్తే అందులో కొంత మొత్తాన్ని సేవా కార్య‌క్ర‌మాలకు వినియోగిస్తాన‌ని తెలియ‌జేసిన సంగ‌తి తెలిసిందే. అందులో భాగంగా త‌న‌కు వ‌చ్చిన రూ.25 ల‌క్షల్లో.. వివిధ సామాజిక సేవా సంస్థ‌ల‌తో పాటు, ఆర్థిక ఇబ్బందులు ప‌డుతున్న ఓ కుటుంబంతో క‌లిపి మొత్తంగా ప‌ది ల‌క్ష‌ల రూపాయ‌ల‌ను అందించారు. అంతే కాకుండా న‌టుడిగా తాను చేస్తున్న సినిమాల ద్వారా వ‌చ్చే మొత్తం ప‌ది నుండి ప‌దిహేను శాతం మొత్తాన్ని సేవా కార్య‌క్ర‌మాల‌కే వినియోగిస్తాన‌ని ఆయ‌న తెలిపారు.

నేరెడ్‌మెట్‌లోని మ‌దర్స్ నెస్ట్ వృద్ధాశ్రమం, రామ‌గుండంలోని త‌బిత స్వ‌చ్ఛంద సంస్థ‌, హైద‌రాబాద్ ఆర్టీసీ క్రాస్‌రోడ్స్‌లోని పీపుల్స్ హెల్పింగ్ చిల్డ్ర‌న్స్ సోష‌ల్ ఆర్గ‌నైజేష‌న్‌, విజ‌య‌వాడ‌లోని జామియా మ‌హ‌దుల్ అష్రాఫ్ వంటి వంటి సేవా సంస్థ‌ల‌తో పాటు మ‌హ్మ‌ద్ మెయునుద్దీన్ కుటుంబానికి ప‌ది ల‌క్ష‌ల రూపాయ‌ల‌ను చెక్కుల రూపంలో అందించారు. ప్రస్తుతం సోహైల్‌కు సినిమా అవకాశాలతో పాటు టీవీ ఇండస్ట్రీ నుండి కూడా అవకాశాలు వెల్లువెత్తుతున్నాయి.