பிக்பாஸ் நிகழ்ச்சியை ஆரம்பித்த முதல் நாளே சமூக வலைத்தளங்களில் இந்த நிகழ்ச்சி உண்மையான ரியாலிட்டி ஷோ இல்லை, இதுவொரு ஸ்கிரிப்ட் எழுதப்பட்ட சீரியல் என்று பலர் சமூக வலைத்தளங்களில் கூறினர். நாள் ஆக ஆக இது உண்மையாக இருக்கலாம் என்ற சந்தேகம் வலுத்தது.

இந்த நிலையில் இந்த நிகழ்ச்சியில் பங்கேற்று சமீபத்தில் வெளியேறிய நகைச்சுவை நடிகர் கஞ்சா கருப்பு, இதுவொரு ஸ்க்ரிப்ட் நிகழ்ச்சிதான் என்ற உண்மையை தெரியாமல் பேட்டி ஒன்றி உளறிவிட்டதாக கருதப்படுகிறது.

தனியார் எப்.எம் வானொலி பேட்டி ஒன்றில் அவர் கலந்து கொண்டபோது, 'நாடோடிகள் படத்தில் நீங்களும் பரணியும் நன்றாகத்தான் நடித்தீர்கள், பிக்பாஸ் படத்தில் மட்டும் ஏன் சண்டை போட்டீர்கள், ஸ்க்ரிப்ட் நன்றாக இல்லையா? என்ற கேள்விக்கு ஸ்கிரிப்ட் எல்லாம் சரியாகத்தான் கொடுத்தார்கள், நடிப்பதில் தான் எல்லோருக்கும் கொஞ்சம் வீக்னஸ்' என்று கூறியுள்ளார். அப்ப உள்ளே நடிச்சுகிட்டுத்தான் இருந்தீங்களா? என்ற கேள்விக்கு 'ஆமாம்' என்று பதிலளித்தார்.

இந்த பேட்டி சமூக வலைத்தளத்தில் வைரலாக பரவி பெரும் பரபரப்பை ஏற்படுத்தியுள்ளது.