பிக்பாஸ்: நாடகக்காரி விருதை நாடகக்காரியிடம் இருந்து பெற்ற சுஜா
- IndiaGlitz, [Monday,September 04 2017]
உலக நாயகன் கமல்ஹாசன் தொகுத்து வழங்கும் பிக்பாஸ் நிகழ்ச்சி 70வது நாளை கடந்து வெற்றிகரமாக போய்க்கொண்டிருக்கும் நிலையில் இன்று பிக்பாஸ் பங்கேற்பாளர்களுக்கு விருது வழங்கும் நடைபெறுவதாக இன்றைய புரமோ வீடியோவில் தெரிவிக்கப்பட்டுள்ளது.
சுஜாவிற்கு நாடகக்காரி என்ற விருதை ஜூலி அளித்தார். விருதை பெற்று கொண்ட சுஜா, 'நாடகக்காரி' என்ற விருதை ஒரு நாடகக்காரியிடம் இருந்து பெற்றதில் மகிழ்ச்சி அடைவதாக அவர் கூறினார்.
பின்னர் பிந்துவுக்கு 'மந்த விருது', கணேஷூக்கு 'சுயநலவாதி விருது' மற்றும் சினேகனுக்கு 'தந்திரன்' விருது வழங்கப்பட்டது. தந்திரன் விருதை சக்தியிடம் இருந்து பெற்ற சினேகன், 'என்னை விமர்சிக்க என்னை தவிர வேறு யாருக்கும் தகுதி இல்லை' என்று சக்தியிடமே கூறியது சர்ச்சையை உண்டாக்கும் என தெரிகிறது. மேலும் இந்த புரமோவின் இறுதியில் சுஜா ஆவேசமாக சவால் விட்டதும் இன்றைய நிகழ்ச்சியின் எதிர்பார்ப்பை அதிகப்படுத்தியுள்ளது.
#VivoBiggBoss விருதுகள்!@Vivo_India #BiggBossTamil pic.twitter.com/qjASVzGxcg
— Vijay Television (@vijaytelevision) September 4, 2017