ఎవ‌డే సుబ్ర‌మ‌ణ్యం సినిమాలో త‌న న‌ట‌న‌తో ఆక‌ట్టుకుని...పెళ్లి చూపులు సినిమాతో హీరోగా క‌మ‌ర్షియ‌ల్ స‌క్సెస్ సాధించి సంచ‌ల‌నం సృష్టించిన యువ క‌థానాయ‌కుడు విజ‌య్ దేవ‌ర‌కొండ‌. ప్ర‌స్తుతం విజ‌య్ దేవ‌ర‌కొండ ద్వార‌క చిత్రంలో న‌టించారు. శ్రీనివాస ర‌వీంద్ర ద‌ర్శ‌క‌త్వంలో రూపొందిన‌ ఈ చిత్రం త్వ‌ర‌లో ప్రేక్ష‌కుల ముందుకు వ‌చ్చేందుకు రెడీ అవుతుంది. ఇదిలా ఉంటే...విజ‌య్ దేవ‌ర‌కొండ‌తో భారీ నిర్మాణ సంస్థ యు.వి. క్రియేష‌న్స్ ఓ మూవీ ప్లాన్ చేస్తుంది. ప్ర‌జెంట్ హ‌ర్ర‌ర్ ట్రెండ్ న‌డుస్తుండ‌డంతో సీనియ‌ర్ హీరోలు సైతం హ‌ర్ర‌ర్ మూవీస్ చేయ‌డానికి ఇంట్ర‌స్ట్ చూపిస్తున్నారు. అందుచేత విజ‌య్ దేవ‌ర‌కొండ‌తో యు.వి. క్రియేష‌న్స్ హ‌ర్ర‌ర్ మూవీనే ప్లాన్ చేస్తున్న‌ట్టు స‌మాచారం. ప్ర‌స్తుతం ఈ చిత్రానికి సంబంధించిన ప్రీ ప్రొడ‌క్ష‌న్ వ‌ర్క్ జ‌రుగుతుంది. ఓ యువ ద‌ర్శ‌కుడు తెర‌కెక్కించే ఈ చిత్రం పూర్తి వివ‌రాలను త్వ‌ర‌లో ఎనౌన్స్ చేయ‌నున్నారు.