మెగాస్టార్ చిరంజీవి 150వ చిత్రం గురించి గ‌త కొన్ని రోజులుగా వార్త‌లు వ‌స్తూనే ఉన్నాయి. ఎట్ట‌కేల‌కు జ‌న‌వ‌రిలో చిరు 150వ సినిమా ప్రారంభిస్తార‌ని చిరు త‌న‌యుడు చ‌ర‌ణ్ ప్ర‌క‌టించారు. ఈ చిత్రానికి సెన్సేష‌న‌ల్ డైరెక్ట‌ర్ వి.వి.వినాయ‌క్ ద‌ర్శ‌క‌త్వం వ‌హించ‌నున్నారు. ఈ ప్ర‌తిష్టాత్మ‌క చిత్రాన్ని చ‌ర‌ణ్ కొణిదెల ప్రొడ‌క్ష‌న్స్ బ్యాన‌ర్ పై నిర్మిస్తాన‌ని గ‌తంలో ప్ర‌క‌టించారు.

అయితే సూప‌ర్ స్టార్ ర‌జ‌నీకాంత్ న‌టిస్తున్న రోబో 2.0 చిత్రాన్ని నిర్మిస్తున్న ప్ర‌ముఖ భారీ నిర్మాణ సంస్థ లైకా మెగా ప‌వ‌ర్ స్టార్ రామ్ చ‌ర‌ణ్ తో క‌లిసి చిరు 150వ సినిమాని కో - ప్రొడ్యూస్ చేస్తుండ‌డం విశేషం. క‌త్తి సినిమాని త‌మిళ్ లో నిర్మించింది లైకా నిర్మాణ సంస్థే. చిరు - వినాయ‌క్ కాంబినేష‌న్ లో రూపొందే ఈ క్రేజీ మూవీని జ‌న‌వ‌రిలో ప్రారంభించేందుకు అన్ని ఏర్పాట్లు చేస్తున్నారు.