నేచురల్ స్టార్ నాని, మోహ‌నకృష్ణ ఇంద్ర‌గంటి కాంబినేష‌న్‌లో రూపొందుతోన్న హ్యాట్రిక్ మూవీ ‘వి’. ఈ సినిమాలో నాని గ్రే షేడ్స్ ఉన్న పాత్ర‌లో న‌టించ‌గా..సుధీర్ బాబు అత‌న్ని ప‌ట్టుకోవాల‌నుకునే ఐపీయ‌స్ ఆఫీస‌ర్ పాత్ర‌లో క‌నిపిస్తున్నారు. దిల్‌రాజు, శిరీష్ నిర్మాత‌లు. నివేదా థామ‌స్‌, అదితిరావు హైద‌రి హీరోయిన్స్‌. ఈ సినిమాను ఉగాది సంద‌ర్భంగా మార్చి 25న విడుద‌ల చేయాల‌ని అనుకున్నారు. కానీ సినిమా కరోనా ప్ర‌భావం కార‌ణంగా వాయిదా ప‌డింది. క‌రోనా ప్ర‌భావం త‌గ్గి ప్ర‌జ‌లు థియేట‌ర్స్‌కు వ‌చ్చే వ‌ర‌కు సినిమా రిలీజ్ డేట్‌పై ఓ క్లారిటీ ఉండ‌క‌పోవ‌చ్చున‌ని వార్త‌లు విన‌ప‌డుతున్నాయి.

అయితే సోష‌ల్ మీడియాలో మాత్రం ‘వి’ సినిమా థియేట‌ర్స్ కంటే ముందు ఓటీటీ ఫ్లాట్‌ఫామ్‌లోనే విడుద‌లవుతుంద‌ని వార్త‌లు విన‌ప‌డుతున్నాయి. ప్ర‌ముఖ డిజిట‌ల్ ఫ్లాట్‌ఫామ్ అమెజాన్ ప్రైమ్ ‘వి’ సినిమాను త‌మ ఫ్లాట్‌ఫామ్‌లో విడుద‌ల చేస్తే దాదాపు రూ.35 కోట్లు ఇస్తామ‌ని ఆఫ‌ర్ చేసిందంటున్నారు. మ‌రి ఇందులో నిజా నిజాలేమిటో, ఈ వార్త‌ల‌పై చిత్ర యూనిట్ ఎలా స్పందిస్తుందో వేచి చూడాలి. నాని న‌టిస్తోన్న 25వ చిత్ర‌మిది. ఈ సినిమాకు సీక్వెల్ కూడా ఉండొచ్చున‌నే వార్త‌లు వ‌స్తున్నాయి.