భారీ మ‌ల్టీస్టారర్ ప్లానింగ్
- IndiaGlitz, [Tuesday,December 18 2018]
ప్ర‌స్తుతం టాలీవుడ్‌లో మ‌ల్టీస్టార‌ర్స్ హ‌వా కొన‌సాగుతుంది. హీరోలంద‌రూ మ‌ల్టీస్టారర్స్‌పై ఆస‌క్తిని చూపుతుండ‌టంతో ద‌ర్శ‌క నిర్మాత‌ల‌కు కూడా ప‌ని ఈజీ అవుతుంది. మంచి మంచి క‌థ‌లు తెర పై వ‌స్తున్నాయి.
లెటెస్ట్‌గా మ‌రో భారీ మ‌ల్టీస్టార‌ర్‌కి ప్లానింగ్ జ‌రుగుతోంది. వివ‌రాల్లోకెళ్తే.. తెలుగు, త‌మిళంలో ఈ మ‌ల్టీస్టార‌ర్‌ను తెర‌కెక్కించేలా ప్ర‌ముఖ నిర్మాణ సంస్థ పివిపి ఆలోచ‌న‌లు చేస్తుంద‌ట.
టాలీవుడ్ నుండి నేచుర‌ల్ స్టార్ నాని, కోలీవుడ్ నుండి మాస్ హీరో విశాల్ ఈ మ‌ల్టీస్టార‌ర్‌లో న‌టించే అవ‌కాశాలు క‌న‌ప‌డుతున్నాయ‌ట. పాఠ‌శాల, ఆనందో బ్ర‌హ్మ చిత్రాల ద‌ర్శ‌కుడు మ‌హి.వి.రాఘ‌వ్ ఈ సినిమాను తెరకెక్కిస్తాడ‌నేది న్యూస్‌.
మ‌హి వి.రాఘ‌వ్ ప్ర‌స్తుతం యాత్ర సినిమాను విడుద‌ల చేయ‌డానికి స‌న్నాహాలు చేసుకుంటున్నాడు. ఈ ప‌ని పూర్తి కాగానే మ‌ల్టీస్టార‌ర్‌పై వ‌ర్క్ చేస్తాడ‌నేది ఇండ‌స్ట్రీ వ‌ర్గాల స‌మాచారం. అయితే దీనిపై నిర్మాణ సంస్థ, ద‌ర్శ‌కుడు ఎలా స్పందిస్తారో చూడాలి.