రవితేజ, బన్ని మాత్రమే..
- IndiaGlitz, [Friday,October 30 2015]
చూస్తుండ‌గానే 2015 ముగింపు ద‌శ‌కు చేరుకుంటోంది. 'బాహుబ‌లి', 'శ్రీ‌మంతుడు' వంటి బ్లాక్‌బ‌స్ట‌ర్‌ల‌తో ఈ ఏడాది ఘ‌నంగానే క‌నిపిస్తున్నా.. అగ్ర హీరోల విష‌యంలో నిరాశ‌జ‌న‌కంగానే ఉంది. ఎందుకంటే.. రవితేజ, అల్లు అర్జున్ మిన‌హాయిస్తే.. మిగిలిన అంద‌రు అగ్ర క‌థానాయ‌కులు ఒక్కొక్క సినిమాకే ప‌రిమితం అయ్యారు మరి.
'కిక్ 2', 'బెంగాల్ టైగ‌ర్‌'ల‌తో రవితేజ.. 'స‌న్నాఫ్ స‌త్య‌మూర్తి', 'రుద్ర‌మ‌దేవి'ల‌తో బన్ని రెండేసి సినిమాల‌తో సంద‌డి చేస్తే.. 'ల‌య‌న్‌'తో బాలకృష్ణ, 'గోపాల గోపాల'తో వెంక‌టేష్‌, ప‌వ‌న్ క‌ళ్యాణ్‌, 'శ్రీ‌మంతుడు'తో మ‌హేష్‌బాబు, 'టెంప‌ర్‌'తో ఎన్టీఆర్, 'బాహుబ‌లి'తో ప్ర‌భాస్‌, 'బ్రూస్ లీ'తో రామ్‌చ‌ర‌ణ్ సింగిల్ మూవీల‌కే ప‌రిమితం అయ్యారు. నాగ్ న‌టించిన 'సోగ్గాడే చిన్ని నాయ‌నా' డిసెంబ‌ర్‌లో రానుంది. మొత్త‌మ్మీద అగ్ర హీరోల్లో రవితేజ, బన్ని మాత్రమే ఒక‌టికి మించి సినిమాల‌తో ఈ ఏడాదిలో హంగామా చేసిన‌ట్ల‌య్యింది. వ‌చ్చే సంవ‌త్స‌రం అయినా ఈ వెర్ష‌న్ మారుతుందేమో చూడాలి.