చిరు150వ సినిమాకి అంత బడ్జెట్టా..
- IndiaGlitz, [Friday,October 16 2015]
మెగాస్టార్ చిరంజీవి 150వ సినిమా గురించి పూర్తి వివ‌రాలు ఎప్పుడు ప్ర‌క‌టిస్తారా...? అని అభిమానులు ఎదురుచూస్తున్నారు. క‌త్తి రీమేక్ నాన్నగారికి బాగా న‌చ్చింద‌ని చ‌ర‌ణ్ ప్ర‌క‌టించిన విష‌యం తెలిసిందే. భారీ మొత్తం చెల్లించి క‌త్తి రీమేక్ రైట్స్ తీసుకున్నారు. దసరా లోపే చిరు త‌న 150వ సినిమా గురించి పూర్తి వివ‌రాలు ప్ర‌క‌టించ‌నున్నారు.
ఇక అస‌లు విష‌యానికి వ‌స్తే..చిరు 150వ సినిమా బ‌డ్జెట్ గురించి చ‌ర‌ణ్ ని అడిగితే...నాన్న‌గారి 150వ సినిమాని చాలా ప్ర‌తిష్టాత్మ‌కంగా తీసుకున్నాం. 150వ సినిమా అంటే చాలా అంచ‌నాలు ఉంటాయి. ఆ అంచ‌నాల‌కు త‌గ్గ‌ట్టుగా ఈ సినిమాని రూపొందిస్తాం. ఇక బ‌డ్జెట్ గురించి చెప్పాలంటే...బ‌డ్జెట్ ఇంత అని లిమిట్ పెట్టుకోవ‌డం లేదు. సినిమాకి ఎంతైనా ఖ‌ర్చుపెట్ట‌డానికి రెడీగా ఉన్నాన‌ని చెప్పాడు. 100 కోట్లు బ‌డ్జెట్ అనుకోవ‌చ్చా అంటే..100 ఏమిటి..అవ‌స‌రం అనుకుంటే... అంత‌కు మించే ఉంటుందంటున్నాడు. అదీ సంగ‌తి.