ஓவியாவை புரட்சி தலைவியாக மாற்றிய ரசிகர்கள்
Tuesday, July 18, 2017 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
கமல்ஹாசன் நடத்தி வரும் 'பிக்பாஸ்' நிகழ்ச்சியில் கலந்து கொண்ட 15 பேர்களின் நேயர்களை மிகவும் கவர்ந்த பங்கேற்பாளராக ஓவியா திகழ்ந்து வருகிறார்.
கடந்த வாரம் ஓவியா போட்டியில் இருந்து வெளியேற்றும் பட்டியலில் இருந்த நிலையில் அவருக்கு சுமார் 1.5 கோடி வாக்குகள் கிடைத்தது. இந்த 1.5 கோடி வாக்குகள் எனக்கு கிடைத்திருந்தால் ஆட்சியை பிடித்திருப்பேன் என்று ஒரு அரசியல் தலைவர் கூட கூறியிருந்தார் என்பது குறிப்பிடத்தக்கது.
பிக்பாஸ் பங்கேற்பாளர்களில் ஓவியா மட்டுமே இயல்பாக இருப்பதாகவும், தன் மனதில் தோன்றியதை பளிச்சென கூறும் குணம் கொண்டவராக இருப்பதாகவும் பலர் கருத்து தெரிவித்து வருகின்றனர். மேலும் எதைப்பற்றியும் அலட்டி கொள்ளாத அவருடைய போக்கு, பிரச்சனை வரும் என்று தெரிந்தால் உடனே இந்த இடத்தைவிட்டு அகன்றுவிடுவது ஆகியவை பிற பங்கேற்பாளர்களை எரிச்சலூட்டினாலும் நேயர்களை கவர்ந்துள்ளது.
இந்த நிலையில் ஓவியா இத்தனை படங்களில் நடித்தபோது கூட கிடைக்காத ரசிகர்கள் தற்போது அவருக்கு சமூக வலைத்தளங்கள் மூலம் கிடைத்துள்ளனர். ஓவியாவை வாழ்த்தி மிமிக்களும், பதிவுகளும் நூற்றுக்கணக்கில் தினந்தோறும் பதிவாகி வருகிறது.
ஒரு ஆர்வக்கோளாறு ரசிகர்கள் ஒருபடி மேலே போய் ஓவியாவை புரட்சித்தலைவி என்று வர்ணித்துள்ளதோடு அவருடைய இரண்டு பக்கத்தில் ரஜினி, கமல் இருப்பது போன்ற ஒரு புகைப்படத்தை பதிவு செய்துள்ளார்.
பிரபல காமெடி நடிகர் சதீஷ், பிக்பாஸ் செட்டை கலை இயக்குனர் பிரிக்கும் வரை அந்தவீட்டில் ஓவியா இருப்பார் என்றும், எலிமினேட் லிஸ்ட்டில் அவர் பெயரை பதிவு செய்து வேஸ்ட் செய்ய வேண்டாம் என்றும் தனது சமூக வலைத்தளத்தில் கூறியுள்ளார். அனேகமாக வெளியே வந்தவுடன் ஓவியாவுக்கு திரைப்பட வாய்ப்புகள் குவியும் என்று எதிர்பார்க்கப்படுகிறது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments