బిగ్ బి ర్యాప్
- IndiaGlitz, [Saturday,March 02 2019]
సంగీతం అంటే బాలీవుడ్ సూప‌ర్‌స్టార్ అమితాబ్‌కు చాలా ఇష్టం. ఈ సీనియ‌ర్ స్టార్ హీరో ఇంట్లో మ్యూజిక్ స్టూడియో కూడా ఉంది. ఇప్పుడు అమితాబ్ బచ్చన్ న‌టిస్తోన్న క్రైమ్ థ్రిల్ల‌ర్ 'బ‌ద్‌లా'. షారూక్ ఖాన్ శ్రీమ‌తి గౌరీ ఖాన్ నిర్మిస్తోన్న ఈ సినిమాలో అమితాబ్ బ‌చ్చ‌న్‌తో పాటు హీరోయిన్ తాప్సీ కూడా న‌టిస్తున్నారు. ఈ సినిమాలో న‌టించ‌డ‌మే కాదు.. అమితాబ్ ఈ సినిమా కోసం ఓ ర్యాప్ కూడా పాడ‌టం విశేషం.
గ‌తంలో క‌హానీ సినిమా కోసం త‌న గొంతును అరువిచ్చిన అమితాబ్ ఈసారి బ‌ద్‌లా సినిమా కోసం గ‌ళం విప్పారు. ''ట్రాక్ న‌చ్చ‌డం వ‌ల్లే ర్యాప్ చేయ‌డానికి అంగీక‌రించానని, ర్యాప్ స‌మ‌యంలో ఎంతో ఎంజాయ్ చేశాను. మంచి ట్రాక్ ఇచ్చి మ్యూజిక్ టీంకు అభినంద‌నలు' అన్నారు అమితాబ్ బచ్చన్. సుజోయ్ ఘోష్ ద‌ర్శ‌క‌త్వంలో ఈ సినిమా తెర‌కెక్కింది. ఈ మార్చి 8న సినిమా విడుద‌ల కానుంది.