'సవ్యసాచి' లో భూమిక ప్రయోగం
- IndiaGlitz, [Saturday,December 30 2017]
'ప్రేమ‌మ్' వంటి హిట్ చిత్రం త‌రువాత యువ క‌థానాయ‌కుడు నాగ‌చైత‌న్య, యువ ద‌ర్శ‌కుడు చందు మొండేటి కాంబినేష‌న్‌లో 'సవ్యసాచి' పేరుతో ఓ సినిమా రూపొందుతున్న సంగ‌తి తెలిసిందే. నిధి అగ‌ర్వాల్ హీరోయిన్‌గా న‌టిస్తున్న ఈ సినిమాలో త‌మిళ న‌టుడు మాధ‌వ‌న్ ప్ర‌తినాయ‌కుడిగా క‌నిపించ‌నున్నాడు. కాగా, ఈ చిత్రంలో సీనియ‌ర్ క‌థానాయిక భూమిక ఓ కీల‌క పాత్ర చేస్తున్న సంగ‌తి తెలిసిందే.
నాగ‌చైత‌న్య‌కి అక్క పాత్ర‌లో క‌నిపించ‌నున్న భూమిక.. ఈ సినిమా కోసం త‌న పాత్ర‌కి త‌నే డ‌బ్బింగ్ చెప్పుకోనుంద‌ని వార్త‌లు వినిపిస్తున్నాయి. వాస్త‌వానికి 'ఎం.సి.ఎ' చిత్రంలోనే భూమిక డ‌బ్బింగ్ చెప్పుకోవాల్సి ఉంద‌ట. అయితే కొన్ని కార‌ణాల వ‌ల్ల అది కుద‌ర‌లేదు. అయితే 'సవ్యసాచి'లో మాత్రం త‌ను చేస్తున్న అతిథి పాత్ర కోసం డ‌బ్బింగ్ చెప్పుకోబోతుంద‌ని తెలిసింది. త్వ‌ర‌లోనే దీనిపై క్లారిటీ వ‌స్తుంది. ఎం.ఎం.కీర‌వాణి సంగీత‌మందిస్తున్న ఈ చిత్రం వేస‌వి కానుక‌గా ప్రేక్ష‌కుల ముందుకు రానుంది.