భాస్క‌ర్‌కు మ‌ళ్లీ అవ‌కాశం ఇస్తారా?
- IndiaGlitz, [Tuesday,November 28 2017]
'బొమ్మ‌రిల్లు' సినిమాతో డైరెక్ట‌ర్ భాస్క‌ర్ పేరు మారు మోగిపోయింది. ఆ త‌ర్వాత భాస్క‌ర్ దర్శకత్వంలో వ‌చ్చిన 'పరుగు' సినిమా కూడా మంచి విజ‌యాన్నే అందుకుంది. అయితే రామ్‌చ‌ర‌ణ్‌తో భాస్క‌ర్ చేసిన 'ఆరెంజ్' సినిమా బాక్సాఫీస్ వ‌ద్ద బోర్లా ప‌డ‌టంతో భాస్క‌ర్ పేరు ఎంత మారు మోగిందో..అంతే రేంజ్‌లో ప‌డిపోయింది.
త‌ర్వాత రామ్‌తో భాస్క‌ర్ చేసిన 'ఒంగోలు గిత్త' చ‌తికిల ప‌డిపోయింది. దీంతో తెలుగులో భాస్క‌ర్ తెలుగులో క‌న‌ప‌డ‌లేదు. దాదాపు నాలుగేళ్ల త‌ర్వాత భాస్క‌ర్ తెలుగులో సినిమా చేయ‌డానికి రెడీ అవుతున్నాడ‌ని స‌మాచారం.
గీతాఆర్ట్స్ బ్యాన‌ర్‌లో ఓ సినిమా చేయ‌డానికి క‌థ‌ను సిద్ధం చేశాడ‌ట. ఈ సినిమాలో అల్లు శిరీష్ హీరోగా న‌టించే అవ‌కాశాలున్నాయ‌ని టాక్‌. త్వ‌ర‌లోనే దీనికి సంబంధించిన ప్ర‌క‌ట‌న వెలువ‌డే అవ‌కాశం ఉంది.