இயக்குனர் இமயம் பாரதிராஜா அறிமுகம் செய்த ஹீரோ நடிகர் இன்று காலமானதாக செய்திகள் வெளியாகி உள்ளதை அடுத்து திரையுலகினர் இரங்கல் தெரிவித்து வருகின்றனர்.

1990 ஆம் ஆண்டு பாரதிராஜா இயக்கத்தில் உருவான திரைப்படம் ’என் உயிர் தோழன்’. இந்த படத்தில் பாபு, தென்னவன் மற்றும் ரமா ஆகிய மூன்று நட்சத்திரங்கள் அறிமுகமானார்கள்.

இவர்களில் பாபு என்பவர் கடந்த சில ஆண்டுகளாக உடல்நலக்குறைவு காரணமாக சிகிச்சை பெற்று வந்த நிலையில் சிகிச்சையின் பலன் இன்றி இன்று காலமானதாக தகவல் வெளியாகி உள்ளன. இதனை அடுத்து திரையுலகினர் அவரது மறைவுக்கு இரங்கல் தெரிவித்து வருகின்றனர்.

‘என் உயிர் தோழன்’ திரைப்படத்தில் அறிமுகமான பாபு, அதன் பிறகு விக்ரமன் இயக்கத்தில் வெளியான ’பெரும்புள்ளி’ கோபி பீம்சிங் என்பவர் இயக்கத்தில் உருவான ’தாயம்மா’ உள்பட ஒரு சில படங்களில் நடித்துள்ளார் என்பது குறிப்பிடத்தக்கது.