விருதுபெற்ற அனைவரையும் வாழ்த்திய இயக்குனர் இமயம்!
- IndiaGlitz, [Tuesday,October 26 2021]
தாதாசாகேப் பால்கே விருது பெற்ற சூப்பர் ஸ்டார் ரஜினிகாந்த் மற்றும் தேசிய விருது பெற்ற தமிழ் திரைப்பட கலைஞர்கள் ஆகிய அனைவருக்கும் இயக்குனர் இமயம் பாரதிராஜா அவர்கள் தனது சமூக வலைதளத்தில் வாழ்த்துக்களை தெரிவித்துள்ளார், அவர் இது குறித்து கூறியிருப்பதாவது:
திரையுலகில் அரை நூற்றாண்டு காலமாக தமிழக மக்களின் நெஞ்சங்களில் என்றும் சூப்பர் ஸ்டாராக நிகழும் பாசத்திற்குரிய நண்பர் ரஜினிகாந்த் அவர்கள் இந்திய திரை உலகின் உயரிய விருதான தாதா சாகேப் பால்கே விருது பெற்றிருப்பது பெரும் மகிழ்ச்சியையும் வாழ்த்துக்களையும் தெரிவித்துக் கொள்கிறேன்.
கூடவே தேசிய விருதுகளை வென்று எடுத்து நமக்கு பெருமை சேர்ந்த கலைப்புலி எஸ் தாணு, பார்த்திபன், தனுஷ், வெற்றிமாறன், விஜய்சேதுபதி, இமான், ரசூல் பூக்குட்டி, நாகவிஷால் ஆகிய அனைவருக்கும் எனது வாழ்த்துக்களையும் பாராட்டுக்களையும் தெரிவித்துக் கொள்கிறேன். இவ்வாறு இயக்குனர் இமயம் பாரதிராஜா தெரிவித்துள்ளார்.
விருதுபெற்ற அனைவரும் தொடர்ந்து இதுபோன்று சிறந்த படைப்புகள் கொடுத்து, தமிழ்த் திரைக்கலைத்துறையில் மேலும் பல சாதனைகள் புரியவும், இன்னும் பல உயரிய விருதுகள் வென்று, புகழும் பெருமையும் பெறவேண்டுமென உள்ளன்போடு வாழ்த்துகிறேன். pic.twitter.com/0G1p9Rm0Dp
— Bharathiraja (@offBharathiraja) October 26, 2021