ஐபிஎல் போராட்டம்: பாரதிராஜா-வைரமுத்து உள்பட பலர் கைது
- IndiaGlitz, [Tuesday,April 10 2018]
ஐபிஎல் போட்டிக்கு எதிர்ப்பு தெரிவித்து அரசியல் கட்சியினர் மட்டுமின்றி திரையுலக பிரபலங்களும் போராட்டம் நடத்தி வருகின்றனர். சென்னை அண்ணா சாலையில் இயக்குனர்கள் பாரதிராஜா, சீமான், வெற்றிமாறன், அமீர், கவிஞர் வைரமுத்து உள்பட பல திரையுலக பிரபலங்கள் அமைதியான முறையில் தங்கள் எதிர்ப்புகளை பதிவு செய்தனர்.
இந்த போராட்டம் ஐபிஎல் போட்டிக்கு எதிரான போராட்டம் இல்லை என்றும் காவிரி மேலாண்மை வாரியத்தின் அவசியத்தை எடுத்து சொல்லும் வகையில் நடக்கும் போராட்டம் என்றும், வன்முறையில் எங்களுக்கு நம்பிக்கை இல்லை என்றும் எங்கள் போராட்டம் அறவழி போராட்டம் என்றும் வைரமுத்து பேசினார்.
அப்போது திடீரென அண்ணாசாலையில் போராட்டக்காரர்களை போலீசார் தடியால் அடித்து கலைக்க முற்பட்டதால் பெரும் பரபரப்பு ஏற்பட்டது. இந்த நிலையில் இயக்குனர் வெற்றிமாறனுக்கு காயம் ஏற்பட்டது. இந்த தடியடியை கண்டித்து பாரதிராஜா உள்ளிட்டோர் தர்ணா போராட்டம் நடத்தினர். இதனையடுத்து பாரதிராஜா, சீமான், வெற்றிமாறன், அமீர், கவிஞர் வைரமுத்து ஆகியோர்களள போலிசார் கைது செய்தனர்.