தமிழகத்தை ஒரு தமிழர் தான் ஆட்சி செய்ய வேண்டும் என்றும் தமிழகத்தை அல்லாதோர் ஆட்சிச் எய்ய அனுமதிக்க முடியாது என்றும், சீமான் உள்ளிட்ட ஒருசிலர் அரசியல் கட்சியினர் மற்றும் திரையுலகினர்களை சேர்ந்தவர்கள் கூறி வரும் நிலையில் தற்போது இயக்குனர் இமயம் பாரதிராஜாவும் இதே கருத்தை வலியுறுத்தியுள்ளார். அவர் இதுகுறித்து மேலும் கூறியதாவது:

உங்கள் பூமியை நீங்கள் ஆள்வதுபோல, எங்கள் பூமியை தமிழர் ஆள வேண்டும். மராட்டிய மாநிலத்தை மராட்டியர் ஆள்கிறார், கர்நாடாவில் கன்னடர்தான் முதல்வர். அசாமில், அசாம் மாநிலத்தவர்தான் முதல்வர். ஏன் எங்களுக்கு எங்கள் மண்ணின் மைந்தர் முதல்வராக கூடாது? ஒருசில தவறான உதாரணங்களை காட்டி இனியும் தமிழனை ஏமாற்ற முடியாது. ஏனெனில் தமிழன் விழித்து கொண்டான் என்று கூறினார்.

மேலும் ரஜினிகாந்த் நல்ல மனிதர். எளிமையின் உச்சம். ரொம்ப அற்புதமானவர். நண்பர். அந்த அடிப்படையில் அவருடைய விழாக்களில் பங்கேற்கிறேன். ஆனால் தான் ஒரு தமிழர் என்று ரஜினி கூறி வருவதை ஏற்க முடியாது. அவர் தமிழகத்தில் வாழ வந்தவர் தான் தமிழர் அல்ல என்று கூறினார்.