மாஸ் ஹீரோவின் அடுத்த படத்தில் பாரதிராஜா
- IndiaGlitz, [Monday,April 01 2019]
இயக்குனர் இமயம் பாரதிராஜா கடந்த சில ஆண்டுகளாக திரைப்படங்கள் இயக்கவில்லை என்றாலும் ஒருசில படங்களில் குணசித்திர வேடங்களில் நடித்து வருகிறார். அவர் நடித்து முடித்துள்ள 'கென்னடி கிளப்' திரைப்படம் விரைவில் வெளியாகவுள்ளது.
இந்த நிலையில் தமிழ் சினிமாவின் மாஸ் நடிகர்களில் ஒருவரான சிவகார்த்திகேயன் நடிக்கும் ஒரு படத்தில் முக்கிய வேடத்தில் பாரதிராஜா நடிக்கவுள்ளார். சமீபத்தில் சிவகார்த்திகேயன் நடிப்பில் பாண்டிராஜ் இயக்கும் படத்தை சன்பிக்சர்ஸ் நிறுவனம் தயாரிக்கவுள்ளது என்ற செய்தியை பார்த்தோம். இந்த படத்தில் தான் பாரதிராஜா முக்கிய வேடத்தீல் நடிக்கவுள்ளார்.
சிவகார்த்திகேயன், பாண்டிராஜ் படத்தில் ஏற்கனவே ஐஸ்வர்யா ராஜேஷ் இணைந்துள்ள நிலையில் தற்போது பாரதிராஜாவும் இணைந்துள்ளது பெரும் எதிர்பார்ப்பை ஏற்படுத்தியுள்ளது.