உலகம் முழுவதும் கடந்த ஆண்டே 'மீ டூ' ஹேஷ்டேக் பரபரப்பை ஏற்படுத்தினாலும் தமிழகத்திற்கு 'மீ டூ'வை அறிமுகம் செய்த பெருமை பாடகி சின்மயியை சாரும். வைரமுத்து மீது அவர் கூறிய பாலியல் குற்றச்சாட்டு தமிழகத்தை மட்டுமின்றி தேசிய அளவில் கவனத்தை ஈர்த்தது.

இந்த நிலையில் வைரமுத்துவுக்கு நெருங்கிய நண்பர்களும் ஒருசில அரசியல்வாதிகளும் அவருக்கு சாதகமான கருத்தை தெரிவித்து வருகின்றனர். அந்த வகையில் நேற்று பாரதிராஜா செய்தியாளர்களை சந்தித்தார். அப்போது அவரிடம் வைரமுத்து மீதான 'மீ டூ' குற்றச்சாட்டு குறித்து ஒரு செய்தியாளர் கேள்வி எழுப்பியபோது ஆத்திரம் அடைந்ததுடன் அந்த செய்தியாளரை ஒருமையிலும் பேசியதால் பரபரப்பு ஏற்பட்டது.

மேலும் 'ஆதாரமில்லாத 'மீ டூ' குற்றச்சாட்டுக்கு பதிலளிக்க முடியாது என்றும், 'மீ டூ' குற்றச்சாட்டுக்கு ஆதாரத்தை கூறுங்கள் என்றும் பாரதிராஜா கூறினார். இதுவரை எந்த பிரபலமாவது அல்லது அரசியல்வாதியாவது ஆதாரத்தை கையில் வைத்து கொண்டு குற்றஞ்சாட்டிய வரலாறு உண்டா? என்பதை பாரதிராஜாவே விளக்கினால் நன்றாக இருக்கும் என்பதே அனைவரின் கருத்தாக உள்ளது.