'பாரதி கண்ணம்மா' நடிகைக்கு நிச்சயதார்த்தம்.. மாப்பிள்ளை சன் டிவி பிரபலமா?
- IndiaGlitz, [Thursday,July 04 2024]
விஜய் டிவியில் ஒளிபரப்பான 'பாரதி கண்ணம்மா' சீரியலில் நடித்த நடிகைக்கு திருமண நிச்சயதார்த்தம் நடந்துள்ளதாகவும் அவரை திருமணம் செய்ய போவார் விஜய் சன் டிவி பிரபலம் என்றும் செய்திகள் வெளியாகி உள்ளன.
விஜய் டிவியில் ஒளிபரப்பான ’பாரதி கண்ணம்மா’ என்ற சீரியல் மிகப்பெரிய அளவில் ரசிகர்கள் மத்தியில் வரவேற்பு பெற்றது என்பது தெரிந்தது. இந்த சீரியலில் பாரதியாக அருண்பிரசாத், கண்ணம்மாவாக ரோஷினி ஹரிப்பிரியா நடித்திருந்த நிலையில் இந்த சீரியலில் கண்ணம்மாவின் தங்கை அஞ்சலி கேரக்டரில் கண்மணி மனோகரன் என்பவர் நடித்திருந்தார்.
இவர் இந்த சீரியலின் ஆரம்பத்தில் வில்லத்தனம் செய்தாலும் அதன் பிறகு அவரது கேரக்டர் பாசிட்டிவாக மாறியது என்பதும் இதனை அடுத்து அவருக்கு ரசிகர்கள் குவிந்தனர் என்பதும் தெரிந்தது. ஆனால் ஒரு சில காரணங்களால் ரோஷினியை போலவே இவரும் இந்த சீரியலில் இருந்து பாதியிலே விலகி விட்டார் என்பது குறிப்பிடத்தக்கது. அதன் பிறகு ஜீ தமிழ் சேனலில் ஒளிபரப்பான ’அமுதாவும் அன்னலட்சுமி’ என்ற சீரியலில் நாயகி ஆக கண்மணி மனோகரன் நடித்திருந்தார்.
இந்த நிலையில் கண்மணி மனோகரன் மற்றும் சன் டிவி தொகுப்பாளர் அஷ்வத் ஆகிய இருவருக்கும் நேற்று திருமண நிச்சயதார்த்தம் நடந்துள்ளது. இது குறித்த புகைப்படத்தை கண்மணி தனது சமூக வலை தளத்தில் பதிவு செய்துள்ளார். இதனை அடுத்து அவருக்கு வாழ்த்துக்கள் குவிந்து வருகிறது. மேலும் திருமண தேதி விரைவில் அறிவிக்கப்படும் என்று எதிர்பார்க்கப்படுகிறது.