பரத் மற்றும் வாணி போஜன் முக்கிய வேடங்களில் நடித்த ‘லவ்’ என்ற திரைப்படத்தின் படப்பிடிப்பு முடிவடைந்து விரைவில் ரிலீஸ் ஆக இருக்கும் நிலையில் இந்த படத்தின் டிரைலர் வெளியாகி இணையத்தில் வைரல் ஆகி வருகிறது.

காதலிக்கும் போதே சில முரண்பாடுகளுடன் காதலித்த பரத், வாணி போஜன் திருமணம் செய்து கொண்ட பின்னர் இருவரும் இடையே அடிக்கடி சண்டை வருகிறது. இந்த சண்டையில் ஒரு முறை எதிர்பாராத வகையில் வாணி போஜனை பரத் கொன்றுவிட அதன் பிறகு அந்த கொலையில் இருந்து பரத் நண்பர்களின் உதவியுடன் தப்பினாரா? என்பதை விறுவிறுப்பான திரைக்கதையுடன் எடுக்கப்பட்ட படம் தான் ‘லவ்’ என்பது இந்த படத்தின் ட்ரைலரில் இருந்து தெரிய வருகிறது.

பரத், வாணி போஜன், விவேக் பிரசன்னா, ராதாரவி, டேனியல் போப் உள்பட பலர் நடிப்பில் உருவாகிய இந்த படத்தை ஆர்பி பாலா இயக்கியுள்ளார். ரோன்னி ராஃபெல் இசையில், பிஜி முத்தையா ஒளிப்பதிவில், அஜய் மனோஜ் படத்தொகுப்பில் உருவாக்கிய இந்த படம் ஜூலை 28ஆம் தேதி திரையரங்குகளில் ரிலீசாக உள்ளது என்பது குறிப்பிடத்தக்கது.

இந்த படம் பாரத் மற்றும் வாணி போஜன் ஆகிய இருவருக்கும் வெற்றி படமாக இருக்கும் என்று எதிர்பார்க்கப்படுகிறது.