'லியோ' ரிலீசுக்கு 6 நாட்களுக்கு முன் ரிலீசாகும் பரத்-ரகுமான் திரைப்படம்.. போஸ்டர் வைரல்..!
- IndiaGlitz, [Sunday,October 08 2023]
தளபதி விஜய் நடித்த ’லியோ’ திரைப்படம் வரும் 19ஆம் தேதி வெளியாக இருக்கும் நிலையில் அதற்கு 6 நாட்களுக்கு முன்னர் பரத் மற்றும் ரகுமான் இணைந்து நடித்த படத்தின் ரிலீஸ் தேதி என அறிவிக்கப்பட்டுள்ளது.
பரத் மற்றும் ரகுமான் ஆகிய இருவரும் இணைந்து நடித்த திரைப்படம் ’சமாரா’. இந்த படத்தின் படப்பிடிப்பு முடிவடைந்து கடந்த சில வாரங்களுக்கு முன்பே ரிலீசுக்கு தயாராக இருந்த நிலையில் இந்த படம் அக்டோபர் 13ஆம் தேதி வெளியாகும் என அறிவிக்கப்பட்டுள்ளது. அக்டோபர் 19ஆம் தேதி ’லியோ’ வெளியாகும் நிலையில் 6 நாட்களுக்கு முன்புதான் இந்த படம் வெளியாக உள்ளது என்பது குறிப்பிடத்தக்கது.
பரத், ரகுமான், சஞ்சனா திபு, வினோத், ராகுல் மாதவ், கோவிந்த கிருஷ்ணா உள்பட பலர் நடிப்பில் உருவான இந்த படத்தை சார்லஸ் ஜோசப் என்பவர் இயக்கி உள்ளார். இந்த படத்தின் டிரைலர் கடந்த ஜூலை மாதம் வெளியாகி மிகப்பெரிய அளவில் வரவேற்பை பெற்றது என்பது குறிப்பிடத்தக்கது
இந்த படத்தின் ரிலீஸ் தேதியுடன் கூடிய போஸ்டர் சற்றுமுன் வெளியாகியுள்ள நிலையில் இந்த போஸ்டர் வைரலாகி வருகிறது.