'భరత్ అనే నేను' ఆడియో రిలీజ్ ఎప్పుడంటే..
- IndiaGlitz, [Sunday,March 11 2018]
సూప‌ర్ స్టార్ మహేష్ బాబు, స‌క్సెస్‌ఫుల్ డైరెక్ట‌ర్ కొరటాల శివ కాంబినేషన్‌లో తెరకెక్కుతున్న సినిమా 'భరత్ అనే నేను'. బాలీవుడ్ బ్యూటీ కైరా అద్వాని కథానాయికగా నటిస్తున్న ఈ చిత్రాన్ని డి.వి.వి.దానయ్య నిర్మిస్తున్నారు. మహేష్ ముఖ్యమంత్రి పాత్రలో నటిస్తున్న ఈ చిత్రం షూటింగ్ తుదిద‌శ‌కు చేరుకుంది.బ్యాలెన్స్ ఉన్న పాటలు, అలాగే మహేష్‌పై చిత్రీకరించవలసిన కొన్ని సన్నివేశాల కోసం త్వరలోనే చిత్ర బృందం ఇంగ్లాండ్‌కు పయనమవనుంది.
ఇదిలా ఉంటే.. దేవిశ్రీ ప్రసాద్ స్వర సార‌థ్యంలో రూపొందిన ఆడియోని ఏప్రిల్ 7న విడుదల చేయ‌డానికి సన్నాహాలు జరుగుతున్నాయని సమాచారం. ఈ మేరకు నిర్మాత దానయ్య, మహేష్‌ను సంప్రదించగా.. మహేష్ కూడా ఈ డేట్‌కు ఆడియో ఫంక్షన్ నిర్వహించమని చెప్పినట్టు చిత్ర బృందాలు వెల్లడించాయి.
త్వరలోనే ఈ వేడుక ఎక్క‌డ జ‌రుగనుందో అధికారిక ప్రకటన వెలువడనుంది. ఏప్రిల్ 20న విడుదల కానున్న ఈ సినిమాలో ప్ర‌కాష్ రాజ్‌, శ‌ర‌త్ కుమార్‌, ఆమ‌ని, సితార త‌దిత‌రులు ముఖ్య పాత్రల్లో న‌టించారు.