'భాయ్' ద‌ర్శ‌కుడు బ్యాక్‌
- IndiaGlitz, [Monday,November 26 2018]
అహ నా పెళ్ళంట, పూల రంగ‌డు సినిమాల‌తో విజ‌యాల‌ను అందుకున్న ద‌ర్శ‌కుడు వీర‌భ‌ద్ర‌మ్ చౌద‌రి. ఈయ‌న మూడో చిత్రంగా నాగార్జున‌తో 'భాయ్' సినిమా తెర‌కెక్కించాడు. ఆ సినిమా బాక్సాఫీస్ వ‌ద్ద బోల్తా కొట్టింది. ఆ సినిమా త‌ర్వాత వీర‌భ‌ద్ర‌మ్‌కు అవ‌కాశాలే రాలేదు. ఆ త‌ర్వాత ఈ ద‌ర్శ‌కుడు చేసిన చుట్టాల‌బ్బాయి చిత్రం కూడా బాక్సాఫీస్ వ‌ద్ద బోల్తా కొట్టింది.
చాలా గ్యాప్ త‌ర్వాత వీర‌భ‌ద్ర‌మ్ ద‌ర్శ‌క‌త్వంలో మ‌రో సినిమా రూపొంద‌నుంది. బెల్లంకొండ శ్రీనివాస్ ఇందులో హీరోగా న‌టించ‌బోతున్నాడట. ప్రస్తుతం బెల్లంకొండ శ్రీనివాస్ క‌వ‌చంతో పాటు తేజ ద‌ర్శ‌క‌త్వంలో చేయ‌బోయే సినిమా పూర్త‌యిన త‌ర్వాత వీర‌భ‌ద్ర‌మ్ ద‌ర్శ‌క‌త్వంలో సినిమా చేస్తాడ‌ట. జ‌న‌వ‌రిలో ఈ చిత్రం స్టార్ట్ అయ్యే అవ‌కాశాలు క‌న‌ప‌డుతున్నాయి. రామ్ తాళ్లూరి ఈ చిత్రాన్ని నిర్మిస్తార‌ట.