விஜய் டிவி சீரியல்களில் நடிக்கும் பல ரீல் ஜோடிகள் ரியல் ஜோடிகள் ஆகி உள்ளனர் என்ற நிலையில் தற்போது ’பாக்கியலட்சுமி’ சீரியலில் நடிக்கும் ரீல் ஜோடியும் விரைவில் ரியல் ஜோடி ஆக இருப்பதாக கூறப்படுவதை அடுத்து ரசிகர்கள் வாழ்த்துக்களை தெரிவித்து வருகின்றனர்.

விஜய் டிவியில் கடந்த 4 ஆண்டுகளாக ஒளிபரப்பாகி வரும் சீரியல் பாக்கியலட்சுமி. இந்த சீரியலில் செழியன் என்ற கேரக்டரில் நடித்து வந்த ஆரியன் சமீபத்தில் வெளியேறிய நிலையில் அந்த கேரக்டரில் விகாஸ் சம்பத் என்பவர் தற்போது நடித்து வருகிறார்.

இவருக்கு ஜோடியாக ஜெனி என்ற கேரக்டரில் திவ்யா என்பவர் நடித்து வரும் நிலையில் இவர்கள் இருவரும் காதலித்து வருவதாகவும் விரைவில் திருமணம் செய்ய முடிவு செய்துள்ளதாகவும் கூறப்படுகிறது.

திவ்யா ஏற்கனவே ஒரு பிரபல தயாரிப்பாளரை திருமணம் செய்ய இருந்த நிலையில் அதன் பின்னர் அந்த திருமணம் நின்று போனது. இந்த நிலையில் சமீப காலமாக அவர் திருமணம் குறித்து எதுவும் பேசாமல் இருந்தார். தற்போது அவர் விகாஸ் சம்பத்தை திருமணம் செய்ய இருப்பதாகவும் விரைவில் இது குறித்து அறிவிப்பு வெளியாகும் என்றும் கூறப்படுகிறது.