விஜய் டிவியில் ஒளிபரப்பாகி வரும் "பாக்கியலட்சுமி" தொடரில் கோபி என்ற கதாபாத்திரத்தில் நடித்து வந்த சதீஷ், அந்த தொடரில் இருந்து விலக இருப்பதாக தனது இன்ஸ்டாகிராம் பக்கத்தில் அறிவித்துள்ளார். இதைத் தொடர்ந்து, திடீரென தனது இன்ஸ்டாகிராம் பக்கத்தில் உள்ள அனைத்து பதிவுகளையும் ப்ரைவைட் ஆக்கியுள்ளார். இதனால் அவருடைய இன்ஸ்டாகிராம் பக்கம் காணாமல் போயுள்ளது என்பதும் பரபரப்பை ஏற்படுத்தியுள்ளது.

"பாக்கியலட்சுமி" சீரியல் 2020 ஆம் ஆண்டில் முதல் ஒளிபரப்பாகி, 1200 எபிசோடுகளை தாண்டி தொடர்ந்து வெளியாகி வருகிறது. இந்த சீரியலுக்கு நல்ல வரவேற்பு கிடைத்து வருகிறது என்பது குறிப்பிடத்தக்கது. இதில் கோபி என்ற கதாபாத்திரத்தில் சதீஷ், பாக்கியலட்சுமி கதாபாத்திரத்தில் சுசித்ரா ஷெட்டி, ஜெனிபர் கதாபாத்திரத்தில் ரேஷ்மா ஆகியோர் நடித்து வருகின்றனர். இந்த சீரியல் விரைவில் முடிவடைய உள்ளதாகவும் கூறப்படுகிறது.

இந்த நிலைய்ல் சதீஷ் திடீரென "பாக்கியலட்சுமி" சீரியலில் விட்டு விலகப் போவதாக தனது இன்ஸ்டாகிராம் பக்கத்தில் அறிவித்துள்ளார். ’ஒரு பொய்யை முத்தமிடுவதை விட, உண்மையிடம் அறை வாங்கிக் கொள்ளலாம்" என தெரிவித்துள்ளார்.

மேலும் அவர் தனது அனைத்து இன்ஸ்டாகிராம் பதிவுகளையும் பிரைவைட் ஆக்கியுள்ளதால் இன்ஸ்டாகிராம் பக்கமே காணாமல் போயுள்ளதால், என்ன நடந்தது என்பது பற்றி தெளிவாக எதுவும் தெரியவில்லை. இருந்தாலும், சதீஷ் இந்த தொடரிலிருந்து விலகுவது கிட்டத்தட்ட உறுதி செய்யப்பட்டுள்ளதால், கோபி கதாபாத்திரத்தில் இனி யார் நடிப்பார் என்பதை பொறுத்திருந்து பார்ப்போம்.