500 ధియేట‌ర్స్ లో బేతాళుడు
- IndiaGlitz, [Wednesday,November 30 2016]
బిచ్చ‌గాడు సినిమాతో తెలుగు సినిమా మార్కెట్లోకి సునామీలా దూసుకొచ్చి సంచ‌ల‌నం సృష్టించిన హీరో విజయ్ ఆంటోని. డా.సలీం, నకిలీ సినిమాలతో విభిన్న చిత్రాల హీరోగా పేరు తెచ్చుకున్న విజయ్ బిచ్చ‌గాడు సినిమాతో అంద‌ర్నీ ఆక‌ట్టుకున్నారు. ఓ వైపు సంగీత ద‌ర్శ‌కుడిగా బిజీగా ఉంటూనే... మ‌రో వైపు హీరోగా త‌న‌ని తాను సరికొత్తగా ఆవిష్క‌రించుకున్న ఆంటోని ప్ర‌స్తుతం తెలుగు, త‌మిళ మార్కెట్లో హాట్ టాపిక్‌ గా మారిపొయాడు. విజయ్ ఆంటోని తాజా చిత్రం బేతాళుడు.
ఈ చిత్రంలో విజయ్ ఆంటోని స‌ర‌స‌న అరుంధ‌తి నాయ‌ర్ హీరోయిన్ న‌టించింది. బిచ్చ‌గాడు సంచ‌ల‌న విజ‌యంతో బేతాళుడు సినిమాకి అటు త‌మిళ్,ఇటు తెలుగులో మంచి క్రేజ్ ఏర్ప‌డింది. విజయ్ ఆంటోని మూవీకి బ‌య్య‌ర్లు, డిస్ట్రిబ్యూట‌ర్లు ఫ్యాన్సీ ఎమోంట్ లను ఆఫర్ చేస్తున్నారంటే...ఎంత క్రేజ్ ఉందో అర్ధం చేసుకోవ‌చ్చు. భేతాళుడు ఫ‌స్ట్‌లుక్ పోస్ట‌ర్లు, ట్రైల‌ర్స్ తో పాటు తొలి పది నిమిషాల సినిమాని కూడా ఆడియెన్స్ కు ముందుగానే చూపించారంటే విజయ్ ఈ సినిమా విజయం పై ఎంత కాన్పిడెన్స్ తో ఉన్నారో అర్ధం చేసుకోవ‌చ్చు. ఇప్పుడు ఈ టీమ్ నాలుగు నిమిషాల సీన్స్ ను రిలీజ్ చేయ‌నున్నారు. ఈ చిత్రానికి ప్ర‌దీప్ కృష్ణ‌మూర్తి ద‌ర్శ‌క‌త్వం వ‌హించారు. డిసెంబ‌ర్ 1న రిలీజ్ కానున్న బేతాళుడు చిత్రాన్ని తెలుగు రాష్ట్రాల్లో 500 థియేట‌ర్స్ లో రిలీజ్ చేస్తుండడం విశేషం.