ரஜினி மகளின் முக்கிய கோரிக்கையை ஏற்றுக்கொண்டது மத்திய அரசு
- IndiaGlitz, [Sunday,December 11 2016]
சூப்பர் ஸ்டார் ரஜினிகாந்த் அவர்களின் மகளும், நடிகர் தனுஷின் மனைவியுமான ஐஸ்வர்யா, சமீபத்தில் மத்திய தகவல் ஒலிபரப்புத்துறை அமைச்சர் வெங்கய்யா நாயுடுவை சந்தித்தபோது ஸ்டண்ட் கலைஞர்களுக்கும் தேசிய விருது வழங்கப்பட வேண்டும் என்று கோரிக்கை வைத்தார்.
இந்த கோரிக்கை தற்போது ஏற்கப்பட்டுள்ளது. அடுத்த ஆண்டு நடைபெறும் 64வது தேசிய விருது வழங்கும் விழாவில் சிறந்த ஸ்டண்ட் இயக்குனர் பிரிவையும் சேர்க்க அமைச்சர் வெங்கையா நாயுடு ஒப்புதல் அளித்துள்ளார். அதுமட்டுமின்றி சிறந்த ஒலியமைப்பு மற்றும் சிறந்த லொக்கேஷன் ஒலிப்பதிவாளர் ஆகிய பிரிவுகளுக்கும் இனி தேசிய விருது வழங்கப்படும் என்று அமைச்சர் தெரிவித்துள்ளார்.
ஸ்டண்ட் கலைஞர்களின் வாழ்க்கை குறித்து ஐஸ்வர்யா தனுஷ் 'சினிமா வீரன்' என்ற பெயரில் குறும்படம் ஒன்றை இயக்கி வருகிறார் என்பது குறிப்பிடத்தக்கது.