സൂപ്പര്‍ കപ്പ് സെമിയില്‍ ജംഷഡ്പുര്‍ എഫ് സിയെ പരാജയപ്പെടുത്തി ബംഗളൂരു എഫ് സി ഫൈനലില്‍. വെള്ളിയാഴ്ച കോഴിക്കോട് കോർപ്പറേഷൻ സ്റ്റേഡിയത്തിൽ നടന്ന സെമിയിൽ ജംഷഡ്പുർ എഫ്സിയെ മറുപടിയില്ലാത്ത രണ്ട് ഗോളുകൾക്ക് പരാജയപ്പെടുത്തിയാണ് ബെംഗളൂരു നിലയുറപ്പിച്ചത്. ഇന്നു നടക്കുന്ന രണ്ടാം സെമിയിൽ ഒഡിഷ നോർത്ത് ഈസ്റ്റ് മത്സര വിജയികളാകും ഫൈനലിൽ ബെംഗളൂരുവിൻ്റെ എതിരാളികൾ. സൂപ്പര്‍ കപ്പ് ഫുട്ബോൾ സെമിയിലെ ജയത്തോടെ ഈ സീസണിൽ മൂന്നാമത്തെ ഫൈനൽ കളിക്കാനാണ് ബെംഗളൂരു എഫ്സി തയാറെടുക്കുന്നത്. ജയേഷ് റാണെയും ക്യാപ്റ്റന്‍ സുനില്‍ ഛേത്രിയുമാണ് ബെംഗളൂരുവിനായി സ്‌കോര്‍ ചെയ്തത്. രണ്ടാം പകുതിയിലാണ് ബെംഗളുരുവിൻ്റെ ഇരു ഗോളുകളും പിറന്നത്. 83 ആം മിനുട്ടിൽ സുനിൽ ഛേത്രിയാണ് ടീമിൻ്റെ ലീഡ് ഉയർത്തിയത്. ഏപ്രിൽ 25ന് വൈകീട്ട് ഏഴ് മണിക്ക് കോഴിക്കോട് ഇ.എം.എസ് സ്റ്റേഡിയത്തിൽ വെച്ചാണ് സൂപ്പർ കപ്പിൻ്റെ ഫൈനൽ നടക്കുക.