సెన్సార్ పూర్తి చేసుకున్న 'బెంగాల్ టైగర్'
- IndiaGlitz, [Tuesday,December 01 2015]
బలుపు', పవర్' వంటి వరుస సూపర్ హిట్ చిత్రాల త‌రువాత మాస్ మహరాజ్‌ రవితేజ హీరోగా, త‌మ‌న్నా, రాశి ఖ‌న్నా హీరోయిన్స్ గా, రచ్చ వంటి బ్లాక్ బస్టర్ హిట్ త‌రువాత సంపత్ నంది దర్శకత్వంలో రూపొందిన చిత్రం 'బెంగాల్ టైగర్'. ఈ చిత్రాన్ని ఏమైంది ఈవేళ, అధినేత, ప్యార్ మే పడిపోయానే వంటి ప్రేక్షకాదరణ పొందిన చిత్రాల్ని నిర్మించిన నిర్మాత కె కె రాధామోహన్ శ్రీ సత్యసాయి ఆర్ట్స్ బ్యానర్లో నిర్మిస్తున్నారు.
అఖిల్ సినిమా రిలీజ్ వల్ల సినిమాను నవంబర్ 26 లేదా 27న రిలీజ్ చేయాలనుకున్నారు. కానీ అప్పుడో ఇప్పుడో అంటూ చివరకు డిసెంబర్ 10న రిలీజ్ కు రెడీ అయింది. తాజా సమాచారం ప్రకారం సినిమా సెన్సార్ కార్యక్రమాలను పూర్తి చేసుకుని యు/ఎ' సర్టిఫికేట్ ను పొందింది. సినిమా సెన్సార్ పూర్తి చేసుకోవడంతో విడుదలకు అన్నీ మార్గాలు సుగమమైనట్లే...