தமிழகம் உள்பட 5 மாநிலங்களில் விரைவில் தேர்தல் தேதி அறிவிக்கப்பட்ட இருக்கும் நிலையில் தேர்தல் நடைபெறும் மாநிலங்களில் நடிகர்-நடிகைகள் முக்கிய அரசியல் கட்சிகளில் இணைந்து வருவதை பார்த்து வருகிறோம். குஷ்பு உள்பட ஒருசில நடிகர், நடிகைகள் தமிழக பாஜகவில் இணைந்து உள்ள நிலையில் தற்போது மேலும் ஒரு நடிகை பாஜகவில் இணைந்துள்ள தகவல் வெளிவந்துள்ளது

பிரபல வங்காள நடிகை பாயல் சர்கார் என்பவர் நேற்று பாஜக தலைவர் திலீப் கோஷ் முன்னிலையில் பாஜகவில் தன்னை இணைத்துக் கொண்டார். அவர் மட்டுமின்றி நடிகர் யாஷ் தாஸ்குப்தா, முன்னாள் கிரிக்கெட் வீரர் அசோக் திண்டா ஆகியோர்களும் பாஜகவில் இணைந்தனர். வங்காள மொழியில் கிட்டத்தட்ட முப்பதுக்கும் மேற்பட்ட திரைப்படங்களில் நடித்துள்ள பாயல் சர்கார், சிறந்த நடிகைக்கான விருதை பலமுறை பெற்றுள்ளார் என்பது குறிப்பிடத்தக்கது

மேற்கு வங்க மாநிலத்தில் மம்தா பானர்ஜியின் பெரும்பாலான ஆதரவையும் மீறி பாஜக ஆட்சியைப் பிடிக்க மிக தீவிரமாக முயற்சித்து வரும் நிலையில் அக்கட்சியின் நடிகர்கள் மற்றும் கிரிக்கெட் வீரர்கள் இணைந்து வருகின்றனர் என்பது குறிப்பிடத்தக்கது. ஆனால் அதே நேரத்தில் நேற்று மம்தா பானர்ஜியின் திரிணாமுல் காங்கிரஸ் கட்சியிலும் கிரிக்கெட் வீரர் மனோஜ் திவாரி, வங்காள நடிகர்கள் ராஜ் சக்கரவர்த்தி, காஞ்சன் மல்லிக், சயோனி கோஷ் ஆகியோர்கள் இணைந்து உள்ளனர் என்பது குறிப்பிடத்தக்கது