ഇംഗ്ലണ്ട് ടെസ്റ്റ് ക്യാപ്റ്റനും ലോകത്തെ മുൻനിര ഓൾറൗണ്ടറുമായ ബെൻ സ്റ്റോക്സ് വിരമിക്കൽ തീരുമാനത്തിൽ നിന്ന് പിന്മാറി. അടുത്ത സീസണിലെ ഇന്ത്യൻ പ്രീമിയർ ലീഗ് നഷ്ടപെടുത്തിയിട്ട് ആണെങ്കിലും ഇന്ത്യയിൽ ഈ വർഷം നടക്കാനിരിക്കുന്ന ലോകകപ്പിൽ കളിക്കാൻ താൻ ഒരുക്കം ആണെന്ന നിലപാടാണ് ഇപ്പോൾ സ്റ്റോക്സ്.

സ്റ്റോക്സ് ലോകകപ്പ് ടീമിനൊപ്പം ഉണ്ടാകുമെന്ന കാര്യത്തിൽ യാതൊരു സംശയവും ഇല്ല എന്നാണ് റിപ്പോർട്ട്. 2022 ജൂലായിൽ ദക്ഷിണാഫ്രിക്കക്ക് എതിരായ പരമ്പരയ്ക്കിടെയാണ് സ്റ്റോക്സ് ഏകദിനത്തിൽ നിന്ന് വിരമിച്ചത്. അതിനു ശേഷം ട്വന്റി-20യിലും ടെസ്റ്റ് ക്രിക്കറ്റിലും തുടർന്നു. ഇംഗ്ലണ്ടിന് വേണ്ടി105 ഏകദിന മത്സരങ്ങൾ കളിച്ച താരമാണ് സ്റ്റോക്സ്. ഏകദിന ഓൾറൗണ്ടർമാരുടെ റാങ്കിങ്ങിൽ രണ്ടാം സ്ഥാനം വരെയെത്തിയ സ്റ്റോക്സിന് ഇന്ത്യൻ ഗ്രൗണ്ടുകളിൽ മികച്ച റെക്കോഡുണ്ട്. ഇന്ത്യയിൽ കളിച്ച ആറ് ഏക ദിനത്തിൽ 51 ശരാശരിയിൽ 255 റൺസെടുത്തു. സ്ട്രൈക്ക് റേറ്റ് 138.59 വിക്കറ്റും നേടി. ഐപിഎലിലും ഒട്ടേറെ മികച്ച ഇന്നിങ്സുകൾ കളിച്ചു. ഈയിടെ സമാപിച്ച ആഷസിൽ ഒമ്പത് ഇന്നിങ്സിൽ 405 റൺസ് നേടി.