రెండో కొడుకు ఎంట్రీకి రంగం సిద్ధం
- IndiaGlitz, [Sunday,December 23 2018]
ప్రముఖ నిర్మాత బెల్లంకొండ సురేశ్ పెద్ద తనయుడు బెల్లంకొండ శ్రీనివాస్ హీరోగా ఎంట్రీ ఇచ్చి సినిమాలు చేస్తున్న సంగతి తెలిసిందే. రెండో తనయుడు గణేష్‌ను కూడా హీరోగా పరిచయం చేస్తానని అప్పుడెప్పుడో బెల్లంకొండ సురేశ్ తెలియజేశారు. త్వరలోనే గణేష్ హీరోగా ఎంట్రీ ఇవ్వబోతున్నారని విశ్వసనీయ వర్గాల సమాచారం. ఫణి అనే కొత్త దర్శకుడు తెరకెక్కించబోయే న్యూ ఏజ్ లవ్‌స్టోరీతో గణేష్ సినీ రంగ ప్రవేశం చేయబోతున్నారు. ఇప్పటికే ప్రీ ప్రొడక్షన్ పనులు శరవేగంగా జరుగతున్నాయి. త్వరలోనే గణేష్ ఎంట్రీకి సంబంధించిన అధికారిక సమాచారం వెలువడనుంది.