రానా, నాని వ‌ద్ద‌నుకున్న పాత్ర‌లో బెల్లంకొండ
- IndiaGlitz, [Tuesday,December 18 2018]
భూస్వాముల ధ‌నాన్ని కొల్లగొట్టి.. పేదలకు పంచిపెట్టే కథే రాబిన్ హుడ్ స్టోరీ. ఇటువంటి రాబిన్ హుడ్ మ‌న ఆంధ్ర‌దేశంలో కూడా ఉండేవాడు ఆయ‌నే టైగర్ నాగేశ్వ‌రావు. తెలుగు వారి రాబిన్ హుడ్‌గా చెప్పుకునే స్టువర్టుపురం టైగర్ నాగేశ్వరరావు జీవితకథ ఆధారంగా 'దొంగాట', 'కిట్టు ఉన్నాడు జాగ్రత్త' చిత్రాల ద‌ర్శ‌కుడు వంశీ కృష్ణ ఓ చిత్రాన్ని తెరకెక్కిస్తున్నారు.
ఎ.కె.ఎంటర్‌టైన్‌మెంట్స్ పతాకంపై అనిల్ సుంకర నిర్మిస్తున్నారు. ప్రస్తుతం పూర్వ నిర్మాణ పనులను జరుపుకుంటున్న ఈ చిత్రంలో రానా మెయిన్ లీడ్‌లో న‌టిస్తాడ‌ని వార్త‌లు వినిపించాయి. త‌ర్వాత నాని పేరు కూడా విన‌ప‌డింది. అయితే తాజా స‌మాచారం ప్ర‌కారం ఇప్పుడు ఈ పాత్ర‌లో బెల్లంకొండ శ్రీనివాస్ న‌టించ‌బోతున్నాడ‌ని ఫిలింన‌గ‌ర్ వ‌ర్గాల స‌మాచారం. త్వ‌ర‌లోనే అధికారిక స‌మాచారం రావ‌చ్చు.