చూస్తుంటే.. వ‌చ్చే ఏడాది ఫిబ్ర‌వ‌రి 9 సినిమా ప్రియుల‌కు వినోదానికి చిరునామాలా మారేలా క‌నిపిస్తోంది. ఇప్ప‌టికే ఈ రోజున రెండు సినిమాలు రాబోతున్నాయంటూ వార్త‌లు వినిపిస్తున్నాయి. సాయిధ‌ర‌మ్ తేజ్‌, వి.వి.వినాయ‌క్ కాంబినేష‌న్‌లో రాబోతున్న ఇంటెలిజెంట్‌ ఫిబ్ర‌వ‌రి 9న విడుద‌ల కానుండ‌గా.. అదే రోజు వ‌రుణ్‌తేజ్‌, నూత‌న ద‌ర్శ‌కుడు వెంకీ అట్లూరి కాంబినేష‌న్‌లో రానున్న కొత్త చిత్రం కూడా రిలీజ్ కాబోతున్న‌ట్లు చిత్ర బృందం ప్ర‌క‌టించింది.

వీటితో పాటు మ‌రో చిత్రం కూడా తోడు కానుంద‌ని ఫిల్మ్‌న‌గ‌ర్‌లో ముచ్చ‌టించుకుంటున్నారు. అల్లుడు శీను, స్పీడున్నోడు, జ‌య‌జాన‌కి నాయ‌క చిత్రాల‌తో సంద‌డి చేసిన యువ క‌థానాయ‌కుడు బెల్లంకొండ సాయి శ్రీ‌నివాస్‌.. ప్ర‌స్తుతం సాక్ష్యం పేరుతో ఓ సినిమా చేస్తున్న సంగ‌తి తెలిసిందే. పూజా హెగ్డే హీరోయిన్‌గా న‌టిస్తున్న ఈ చిత్రానికి ల‌క్ష్యం ఫేమ్ శ్రీ‌వాస్ ద‌ర్శ‌కుడు.

జ‌గ‌ప‌తిబాబు, శ‌ర‌త్‌కుమార్‌, మీనా ఇత‌ర ముఖ్య పాత్ర‌ల్లో న‌టిస్తున్న ఈ చిత్రాన్ని ఫిబ్ర‌వ‌రి 9న విడుద‌ల చేసేందుకు యూనిట్ ప్లాన్ చేస్తోంద‌ట‌. మ‌రి.. ఒకే రోజు ముగ్గురు యువ క‌థానాయ‌కులు బ‌రిలోకి దిగుతున్నార‌న్న‌మాట‌. ఫైన‌ల్‌గా.. ఆ రోజు ఎవ‌రు వ‌స్తారో.. ఎవ‌రు త‌ప్పుకుంటారో చూడాలి.