உலக நாயகன் கமல்ஹாசன் சமீபத்தில் மதுரையில் நடைபெற்ற பிரமாண்டமான பொதுக்கூட்டத்தில் 'மக்கள் நீதி மய்யம்' 'என்ற புதிய அரசியல் கட்சியை தொடங்கினார். முதல் பொதுக்கூட்டத்தில் டெல்லி முதல்வர் அரவிந்த் கெஜ்ரிவால் உள்பட பல பிரபலங்களை கலந்து கொள்ள வைத்து அரசியல் கட்சிகளை ஆச்சரியப்படுத்தினார்

இந்த நிலையில் வரும் ஏப்ரல் மாதம் 4ஆம் தேதி திருச்சியில் 'மக்கள் நீதி மய்யம்' கட்சியின் அடுத்த பொதுக்கூட்டம் பிரமாண்டமாக நடைபெறும் என்று அவர் நேற்றைய பேட்டியில் தெரிவித்தார்

இந்த நிலையில் ஏப்ரல் 4ல் நடைபெறவுள்ள திருச்சி பொதுக்கூட்டத்திற்கு முன்னர், நெடுவாசல் கிராம மக்களை நேரில் சந்திக்க கமல் முடிவு செய்துள்ளதாக தகவல்கள் வெளிவந்துள்ளது.

ஹைட்ரோ கார்பன் திட்டத்துக்கு எதிராக போராடி வரும் நெடுவாசல் கிராம மக்களை கமல்ஹாசன் சந்தித்தால், போராட்டக்காரர்களுக்கு மிகப்பெரிய பலம் கிடைக்கும் என்று எதிர்பார்க்கப்படுகிறது. மேலும் நெடுவாசல் போராட்டம் என்பது மத்திய அரசுக்கு எதிரானது என்பதால் கமல், மத்திய அரசையும் எதிர்க்க துணிந்துவிட்டதாகவும் கூறப்படுகிறது.